પ્રેરણા / ગુજરાતના દરેક ગામમાં જો થાય આવું કામ થાય તો નહીં પડે કોવિડ બેડની અછત, જાણો એવું તો શું થયું

• કોરોના હોટસ્પોટ બન્યું પંચમહાલનું કંડાચ 
• ગામમાં શરૂ કરાયું કોવિડ કેર સેન્ટર
• ગામમાં થયા છે 13 લોકોના મૃત્યુ

ઉલ્લેખનીય છે કે, પંચમહાલ જિલ્લાના કાલોલનું કંડાચ ગામ જિલ્લામાં કોરોનાનું હોટસ્પોટ બન્યું છે. ગામમાં દિનપ્રતિદિન કેસ વધી રહ્યા છે અને મૃત્યુઆંક પણ ઉંચો જઈ રહ્યો છે. ત્યારે ગામના કેટલાક યુવાનો દ્વારા ગામમાં રહેલી ધર્મશાળાઓને કોવિડ કેર સેન્ટરમાં ફેરવી દેવામાં આવી છે. 

યુવાનોએ શરૂ કર્યું કોવિડ સેન્ટર 

આ કેર સેન્ટરમાં ગામના લોકોને સારવાર આપવામાં આવે છે. ગામના 30 યુવાનોએ 25 બેડની સુવિધાવાળુ આઈસોલેશન સેન્ટર તૈયાર કર્યું છે. જેમાં હાલ 10 જેટલા લોકો સારવાર લઈ રહ્યા છે. અહીં આવતા દર્દીઓને રોજ મોસંબીનો જ્યુસ, ઉકાળો, ગરમ પાણીની નાસ સહિત સુવિધા આપવામાં આવે છે. 

વેક્સિનેશનને લઈને પણ લોકોમાં લવાઇ રહી છે જાગૃતિ 

સાથે જ ઓક્સિજનની પણ પ્રાથમિક સુવિધા તૈયાર કરવામાં આવી છે. તો ગામના જાગૃત યુવાનો દ્વારા વેક્સિનેશન માટે પણ જાગૃતતા ફેલાવવામાં આવી રહી છે. કંડાચ ગામમાં કોરોનાએ હાહાકાર મચાવ્યો છે. અત્યાર સુધીમાં 13 દર્દી મોતને ભેટી ચુક્યા છે. ત્યારે ગામ લોકોએ સ્વયંમ જાગૃત થઈ કોરોનાથી મુક્તિ મેળવવાનું અભિયાન શરૂ કર્યું છે.

ગુજરાતમાં કોરોનાની સ્થિતિ 

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 14,605 નવા કેસ નોંધાયા છે તો સંક્રમણના કારણે 173 લોકોના મોત નિપજ્યા છે. આ સાથે જ 10,180 દર્દીઓ સાજા થયાં છે. આ સાથે જ અત્યાર સુધીમાં 4,08,368 દર્દીઓ કોરોના મુક્ત થયાં છે. 

છેલ્લા 24 કલાકમાં 173 દર્દીઓના મોતથી ખળભળાટ

ઉલ્લેખનીય છે કે, છેલ્લા 24 કલાકમાં રાજ્યમાં 173 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 7183 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજનક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે. રાજ્યમાં હાલ 613 લોકો વેન્ટિલેટર પર છે. એક્ટિવ કેસનો આંકડો 1,42,046 પર પહોંચ્યો છે.

ઉત્તર ગુજરાતના મહેસાણાએ ચિંતા વધારી 

કોરોનાનો પ્રકોપ દરરોજ વધી રહ્યો છે. ત્યારે ગત 24 કલાકમાં નોંધાયેલા કોરોનાના કેસમાં અમદાવાદ સુરત બાદ મહેસાણા જિલ્લામાં ચિંતાજનક આંકડો નોંધાયો છે. ઉત્તર ગુજરાતના મહેસાણામાં પણ કોરોના કહેર જોવા મળી રહ્યો હોય તેમ લાગી રહ્યું છે. ગત 24 કલાકમાં અહીં 516 નવા કેસ નોંધાયા હતા. 

અત્યાર સુધીમાં 1,20,87,266 લોકોને અપાઇ રસી 

સારા સમાચાર એ છે કે, રાજ્યમાં અત્યાર સુધીમાં 1,20,87,266 લોકોનો કોરોનાની રસી આપવામાં આવી છે. 

સુરત અને અમદાવાદમાં કોરોના બેકાબૂ 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 5391 કેસ તો અમદાવાદ ગ્રામ્યમાં 48 કેસ નોંધાયા છે. જ્યારે સુરત શહેરમાં 1737 નવા કેસ, જ્યારે સુરત ગ્રામ્યમાં 274 કેસ નોંધાયા છે. વડોદરા શહેરમાં 645 કેસ, જ્યારે ગ્રામ્યમાં 267 કેસ નોંધાયા. રાજકોટ શહેરમાં 621 કેસ અને ગ્રામ્યમાં 42 કેસ નોંધાયા છે.ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...