ચિંતાજનક / દિલ્હીની આ હોસ્પિટલમાં 80 કર્મચારી કોરોનાગ્રસ્ત, રસીના બન્ને ડોઝ લઈ ચૂકેલા 1 ડોક્ટરનું મોત

• સરોજ સુપર સ્પેશિયલિટી હોસ્પિટલના 80 સ્વાસ્થ્યકર્મી કોરોનાગ્રસ્ત
• એક ડોક્ટરનું કોરોનાથી મોત
• કોરોનાથી મરનાર ડોક્ટરે રસીના બન્ને ડોઝ લીધા હતા

એક ડોક્ટરનું કોરોનાથી મોત

દેશની રાજધાની દિલ્હીમાં કોરોના વાયરસનો કહેર વર્તાવી રહ્યો છે.  આ દરમિયાન સરોજ સુપર સ્પેશિયલિટી હોસ્પિટલના 80 સ્વાસ્થ્યકર્મીઓ કોરોના સંક્રમિત થતા હડકંપ મચી ગયો છે. ત્યારે એક ડોક્ટરનું કોરોનાથી મોત થયુ છે. આ બાદ હોસ્પિટલના અનેક કર્મચારીઓ ક્વોરેન્ટાઈન થઈ ગયા છે. 

કોરોનાથી મરનાર ડોક્ટરે રસીના બન્ને ડોઝ લીધા હતા

હોસ્પિટલના પ્રમુખ સ્વાસ્થ્ય અધિકારી ડોક્ટર પીકે ભારદ્વાજે મીડિયાને જણાવ્યુ કે હોસ્પિટલમાં વરિષ્ટ ડોક્ટર એકે રાવતનું શનિવારે કોરોનાથી નિધન થયુ છે. ભારદ્વાજ અનુસાર, ડોક્ટર રાવતના રસીના બન્ને ડોઝ લીધા હતા. આ બાદ પણ કોરોના તેમને ભરખી ગયો. તેમણે કહ્યુ કે ગત એક મહિનામાં હોસ્પિટલના 80 કર્મચારીઓ સંક્રમિત થઈ ચૂક્યા છે.

13 હોસ્પિટલોમાં બેડની સંખ્યા વધારવામાં આવી

ત્યારે દિલ્હીમાં વધતા કોરોનાના મામલાને જોતા દિલ્હી સરકારે રવિવારે 13 હોસ્પિટલોમાં બેડની સંખ્યા વધારી દીધી છે. સાથે હોસ્પિટલોને આદેશ આપવામાં આવ્યો છે કે તે કોરોના એપ પર બેડની સંખ્યાના વિષયમાં યોગ્ય જાણકારી આપે.

કોરોનાના દર્દીના કુલ 7450 બેડ આરક્ષિત છે

સરકારે જણાવ્યુ કે લોકનાયક, જીટીબી, રાજીવ ગાંધી સુપરસ્પેશિયાલિટી, આંબેડકર હોસ્પિટલ, બુરાડી હોસ્પિટલ, આંબેડકર નગર હોસ્પિટલ, દિનદયાલ હોસ્પિટલ, દેશબંધુ હોસ્પિટલ, સંજય ગાંધી હોસ્પિટલ, આચાર્ય ભિક્ષુ હોસ્પિટલ, એસઆરસી હોસ્પિટલ અને જેએએસએસ હોસ્પિટલમાં બેડ વધારવામાં આવ્યા છે. ઉલ્લેખનીય છે કે આ તમામ 13 હોસ્પિટલમાં કોરોનાના દર્દીના કુલ 7450 બેડ આરક્ષિત છે.