નિવેદન / ક્રિકેટ વર્લ્ડકપ 2023નો કાર્યક્રમ જોઈને કોંગ્રેસ નેતા થરૂર નારાજ, વાતવાતમાં અમદાવાદને માર્યો ટોણો, જુઓ શું કહ્યું

• ICC ODI વર્લ્ડ કપ 2023નું શેડ્યૂલ થઈ ગયું જાહેર 
• ક્રિકેટ વર્લ્ડકપ 2023નો કાર્યક્રમ જોઈને કોંગ્રેસ નેતા થરૂર નારાજ
• શું એક-બે મેચ કેરળને ન આપી શકાય ? : શશી થરૂર 

ICC ODI વર્લ્ડ કપ 2023નું શેડ્યૂલ 27 જૂનના રોજ જાહેર કરવામાં આવ્યું હતું. શેડ્યૂલ અનુસાર વર્લ્ડ કપ 5 ઓક્ટોબરથી શરૂ થશે અને 19 નવેમ્બર સુધી ચાલશે. મતલબ કે આખા 46 દિવસ સુધી દેશ અને દુનિયામાં ક્રિકેટનો જુસ્સો છવાયેલો રહેશે. ક્રિકેટપ્રેમીઓએ વર્લ્ડ કપની મજા માણવાની તૈયારીઓ શરૂ કરી દીધી હશે. પરંતુ કોંગ્રેસના નેતા અને સાંસદ શશિ થરૂર ICC દ્વારા બનાવેલા શેડ્યૂલથી નાખુશ દેખાતા હતા.

વર્લ્ડ કપ ટુર્નામેન્ટનો મુખ્ય ડ્રો 10 શહેરોમાં રમાશે અને કેરળ આ યાદીમાં નથી. તિરુવનંતપુરમ કેરળનો ભાગ છે અને શશિ થરૂર અહીંથી કોંગ્રેસના સાંસદ છે. આવી સ્થિતિમાં વર્લ્ડ કપનું શેડ્યૂલ જાહેર થતાં જ કોંગ્રેસ નેતાએ પ્રતિક્રિયા આપી હતી. ICC ફિક્સ્ચર લિસ્ટમાં તિરુવનંતપુરમના સ્પોર્ટ્સ હબનો સમાવેશ ન કરવા પર આપત્તિ જાહેર કરી છે. 

શું કહ્યું શશી થરૂરે ? 
કોંગ્રેસના સાંસદ શશી થરૂરે ટ્વિટ કર્યું કે, નિરાશાજનક છે કે તિરુવનંતપુરમ સ્ટેડિયમ, જે ઘણા લોકો કહે છે કે ભારતનું શ્રેષ્ઠ ક્રિકેટ સ્ટેડિયમ છે, તે 2023 વર્લ્ડ કપની ફિક્સ્ચર સૂચિમાંથી ગાયબ છે. અમદાવાદ દેશની નવી ક્રિકેટ રાજધાની બની રહ્યું છે, પરંતુ શું એક-બે મેચ કેરળને ન આપી શકાય? ટ્વીટમાં અમદાવાદનો ઉલ્લેખ કરીને થરૂરે ભારતીય ક્રિકેટમાં ભાજપના વધતા પ્રભાવ તરફ ઈશારો કર્યો છે. ગુજરાત અને કેન્દ્ર સરકારથી માંડીને ભારતીય ક્રિકેટ કંટ્રોલ બોર્ડ એટલે કે BCCI, ભાજપના નેતાઓ કે તેની સાથે સંકળાયેલા લોકો નિર્ણય લેવાની હોદ્દા પર છે. 

Disappointed to see that Thiruvananthapuram's #SportsHub, hailed by many as the best cricket stadium in India, is missing from the #WorldCup2023 fixture list. Ahmedabad is becoming the new cricket capital of the country, but could a match or two not have been allotted to Kerala? pic.twitter.com/55jU1PLksQ

— Shashi Tharoor (@ShashiTharoor) June 27, 2023

પ્રેક્ટિસ મેચ તિરુવનંતપુરમમાં યોજાશે
જોકે વર્લ્ડ કપ દરમિયાન પ્રેક્ટિસ માટે કુલ 12 સ્થળો હશે. જેમાં હૈદરાબાદ, અમદાવાદ, ધર્મશાલાનો સમાવેશ થાય છે. ચેન્નાઈ, દિલ્હી, પુણે, લખનૌ, મુંબઈ, કોલકાતા, ગુવાહાટી, તિરુવનંતપુરમ અને બેંગલુરુમાં બનેલા સ્ટેડિયમનો સમાવેશ થાય છે. વર્લ્ડ કપની પ્રથમ મેચ ઈંગ્લેન્ડ અને છેલ્લી રનર અપ ટીમ ન્યુઝીલેન્ડ વચ્ચે અમદાવાદમાં રમાશે. આ સાથે ભારતીય ટીમની પ્રથમ મેચ ઓસ્ટ્રેલિયા સામે 8 ઓક્ટોબરે ચેન્નાઈમાં રમાશે.

Proud moment for India! Hosting the ICC Men's Cricket World Cup for the fourth time is an incredible honor. With 12 cities as the backdrop, we'll showcase our rich diversity and world-class cricketing infrastructure. Get ready for an unforgettable tournament! #CWC2023 @ICC @BCCI pic.twitter.com/76VFuuvpcK

— Jay Shah (@JayShah) June 27, 2023