અમદાવાદ / કોંગ્રેસના કોર્પોરેટર બદરુદ્દીન શેખનું કોરોનાથી નિધન, છેલ્લાં એક સપ્તાહથી હતા SVPમાં દાખલ

આપને જણાવી દઇએ કે, તેઓને 6 વખત ડાયાલીસીસ કર્યા હોવા છતાં રિકવરી આવી રહી નહોતી. તેમને વેન્ટિલેટર પર રાખવામાં આવ્યા હતા પરંતુ કોરોના સામેની જંગ તેઓ હારી ગયા હતા. 

શક્તિસિંહ ગોહિલે દુઃખ વ્યક્ત કર્યુ

કોંગ્રેસના નેતા અને કોર્પોરેટર બદરુદ્દીન શેખના નિધન બાદ પક્ષના દિગ્ગજ નેતા શક્તિસિંહ ગોહિલે ટ્વિટર પર દુઃખ વ્યક્ત કર્યુ હતું. તેમણે વધુ એક ટ્વિટ કરીને પણ કહ્યું હતું કે અમદાવાદે એક સારા જન સેવક ગુમાવ્યા.

અમદાવાદ મ્યુ . કોર્પોરેશન કારોબારી અને વિપક્ષ ના પૂર્વ નેતા તેમજ આપણા કોંગ્રેસ પરિવાર ના એક સનિષ્ઠ આગેવાન બદરુદ્દીનભાઈ ના અવસાન થી આપણે સર્વે વ્યથિત છીએ . આલ્લાહતાલા આપણા બદરુદ્દીનભાઈ ને જન્નત બક્ષે .

— Shaktisinh Gohil (@shaktisinhgohil) April 26, 2020

 

કોણ હતાં બદરુદ્દીન શેખ 

બદરુદ્દીન શેખ કોંગ્રેસના એક પીઢ નેતા રહી ચૂક્યાં છે. તેમણે અમદાવાદની ભક્ત વલ્લભ ધોળા કોલેજમાંથી ગ્રેજ્યુએશન કર્યુ જ્યારે એચ.કે કોલેજમાંથી પોસ્ટ ગ્રેજ્યુએશન કર્યુ હતું. તેઓ વિદ્યાર્થી નેતા તરીકે રાજકારણમાં પ્રવેશ્યાં હતાં. 

કોંગ્રેસી નેતા અમિત ચાવડાએ શોક પ્રગટ કર્યો 

2010માં તેઓ AMCના વિપક્ષના નેતા તરીકે પણ રહ્યા

2010માં તેઓ AMCના વિપક્ષના નેતા તરીકે પણ રહી ચૂક્યાં છે. જ્યારે 2002-2003માં AMC સ્ટેન્ડિંગ કમિટિના ચેરમેન પણ રહી ચૂક્યાં છે. તે ગુજરાત પ્રદેશ કોંગ્રેસ કમિટિના પ્રવક્તા પણ હતાં. તેઓ અમદાવાદમાં સતત 5 વર્ષથી કોર્પોરેટેર તરીકે ચૂંટાઈ આવતાં હતાં.