જય ભારત સત્યાગ્રહ / લોકસભા ચૂંટણી પહેલા ગુજરાતમાં કોંગ્રેસનું સૌથી મોટું શક્તિ પ્રદર્શન, મલ્લિકાર્જુન ખડગે, રાહુલ ગાંધી, પ્રિયંકા ગાંધી આવશે ગુજરાત, જાણો વિગત

• એપ્રિલના અંતમાં કોંગ્રેસનું ગુજરાતમાં મોટું શક્તિ પ્રદર્શન 
• મલ્લિકાર્જુન ખડગે, રાહુલ ગાંધી, પ્રિયંકા ગાંધી આવશે ગુજરાત
• કોંગ્રેસ શાસિત રાજ્યોના મુખ્યમંત્રીઓ રહશે હાજર 

લોકસભાની ચૂંટણી પહેલા કોંગ્રેસે તડામાર તૈયારીઓ શરૂ કરી દીધી છે. એપ્રિલના અંતમાં કોંગ્રેસનું ગુજરાતમાં મોટું શક્તિ પ્રદર્શન યોજાશે. જેમાં મલ્લિકાર્જુન ખડગે, રાહુલ ગાંધી અને પ્રિયંકા ગાંધી ગુજરાત આવી શકે છે. કોંગ્રેસ શાસિત રાજ્યોના મુખ્યમંત્રી સહિતના મોટા નેતાઓ જે કાર્યક્રમમાં હાજર રહે તેવી શક્યાતાઓ છે

કોંગ્રેસ શક્તિ પ્રદર્શન યોજશે
કોંગ્રેસ જય ભારત સત્યાગ્રહ કાર્યક્રમના બેનર હેઠળ શક્તિ પ્રદર્શન યોજાશે જે કાર્યક્રમ આગામી 30 એપ્રિલેના રોજ યાજાશે. આ કાર્યક્રમ મધ્ય ગુજરાત અથવા ઉત્તર ગુજરાતમાં યોજાઈ શકે છે.  રાહુલ ગાંધીનું સંસદ સભ્ય પદ રદ્દ સહિતના મુદ્દે કોંગ્રેસનું ગુજરાતમાં મોટું સંમેલન યોજાવાનું આયોજન કરવામાં આવી રહ્યું છે.

જગદીશ ઠાકોરનું નિવેદન
કોંગ્રેસ પ્રદેશ પ્રમુખ જગદીશ ઠાકોરે જણાવ્યું કે, તમામ 33 જિલ્લાઓ અને આઠ મહાનગરોમાં તેમજ મોટા શહેરોમાં અને વિધાનસભા વાઈઝ કોંગ્રેસ પોતાના પરિવારને, કુટુંબને ભેગુ કરીને આવતા દિવસની અંદર રણનિતી શું હશે તે જણાવશે તેમજ 2024ની રણનીતિ શું હશે અને વિધાનસભા પહેલા અને પછીનું ક્યું કામ કરવાનું હતું અને ક્યું કામ બાકી રહી ગયું તેના લેખા જોખા જોવામાં આવશે.

મનિષ દોશીએ શું કહ્યું?
મનિષ દોશીએ કહ્યું કે, રાહુલ ગાંધી સામે કિન્નાખોરી રાખી સંસદમાં ન બોલવા દેવા તેમજ જ્યારે જ્યારે મોંઘવારી તેમજ બેરોજગારીને લઈને પ્રશ્ન કરાયા છે ત્યારે તેના જવાબો નથી અપાતા તેમણે કહ્યું સામાન્ય બાબતે રાહુલ ગાંધીને કાનુની ગુચમાં ફસાવાનો સુનિયોજિત કામ કરાયું છે.