- 2023ના વર્ષની CUET-PG પરીક્ષાની જાહેરાત
- 5 થી 12 જુન 2023ના દિવસે લેવાશે પરીક્ષા
- નેશનલ ટેસ્ટીંગ એજન્સી દ્વારા લેવાશે એક્ઝામ
- યુનિવર્સિટીઓમાં પોસ્ટ ગ્રેજ્યુએટ પ્રવેશ માટે લેવાય છે CUET-PG
નેશનલ ટેસ્ટીંગ એજન્સીએ યુનિવર્સિટીઓમાં પ્રવેશ માટે લેવાતી કોમન યુનિવર્સિટી એન્ટ્રાસ ટેસ્ટ (પોસ્ટ ગ્રેજ્યુએટ)ની તારીખ જાહેર કરી છે. યુજીસીના ચેરમેન એમ.જગદેશ કુમારે પણ ટેસ્ટને લઈને એક ટ્વિટ કર્યું હતું. તેમણે કહ્યું કે 5 થી 12 જુન 2023ની વચ્ચે એક આખું અઠવાડીયામાં આ પરીક્ષા લેવામાં આવશે.
ઉમેદવારો 5મે સુધી કરી શકશે પરીક્ષા માટે અરજી
કોમન યુનિવર્સિટી એન્ટ્રાસ ટેસ્ટ માટે ઉમેદવારો 5મે સુધી પરીક્ષા માટે અરજી કરી શકે છે. પરીક્ષાની તારીખ જાહેર કરતાં એનટીએ કહ્યું કે ઉમેદવારોને પરીક્ષા સંબંધિત નવીનતમ અપડેટ્સ માટે નિયમિતપણે એનટીએ નેશનલ ટેસ્ટિંગ એજન્સી વેબસાઇટની મુલાકાત લેવાની સલાહ આપવામાં આવે છે.
કેવી રીતે કરવું રજિસ્ટ્રેશન
-ઉમેદવારોએ પહેલા સત્તાવાર વેબસાઇટ cuet.nta.nic.in ઓપન કરવી
- હોમપેજ પર CUET રજિસ્ટ્રેશન લિંક પર ક્લિક કરો
- આ પછી, ઉમેદવારોએ પોતાનું નામ, ઇમેઇલ સરનામું અને ફોન નંબર દાખલ કરવો
- પછી ઉમેદવારોએ એપ્લિકેશન નંબર અને પાસવર્ડનો ઉપયોગ કરીને લોગિન કરવું
- હવે એપ્લિકેશન ફોર્મ ભરો અને જરૂરી દસ્તાવેજો અપલોડ કરો
- આ પછી ઉમેદવારે ફોર્મ જાળવી રાખવું
- હવે ઉમેદવારોએ અરજી ફી ચુકવવી
- પછી ઉમેદવારે ફોર્મ જમા કરાવવું જોઈએ
- આ પછી, ઉમેદવારે ફોર્મ ડાઉનલોડ કરવું જોઈએ
-અંતે ઉમેદવારોએ ફોર્મની પ્રિન્ટ આઉટ લેવી
શું છે કોમન યુનિવર્સિટી એન્ટ્રાસ ટેસ્ટ
ભારતની 45 મુખ્ય યુનિવર્સિટીઓમાં અંડરગ્રેજ્યુએટ, ઈન્ટીગ્રેટેડ, પોસ્ટગ્રેજ્યુએટ, ડિપ્લોમા કોર્ષમાં પ્રવેશ માટે નેશનલ ટેસ્ટીંગ એજન્સી દ્વારા લેવામાં આવતી પરીક્ષા જેને કોમન યુનિવર્સિટી એન્ટ્રાસ ટેસ્ટ કહેવાય છે.
પરીક્ષા 13 ભાષાઓમાં હશે
નેશનલ ટેસ્ટિંગ એજન્સી (NTA) દ્વારા બહાર પાડવામાં આવેલી કોમન યુનિવર્સિટી એન્ટ્રન્સ ટેસ્ટ (CUET) 13 ભાષાઓમાં લેવામાં આવશે. આ તામિલ, તેલુગુ, કન્નડ, મલયાલમ, મરાઠી, ગુજરાતી, ઉડિયા, બંગાળી, આસામી, પંજાબી, અંગ્રેજી, હિન્દી અને ઉર્દૂ સહિત 13 ભાષાઓમાં યોજાશે. કોમન યુનિવર્સિટી એન્ટ્રન્સ ટેસ્ટ માટે અરજી કરનારા વિદ્યાર્થીઓ પાસે ધોરણ 10ની માર્કશીટ, 12ની માર્કશીટ, પાસપોર્ટ સાઈઝનો ફોટોગ્રાફ, વિદ્યાર્થીની સહી, આધાર કાર્ડ જેવા ફોટો આઈડી પ્રૂફ, ડ્રાઈવિંગ લાયસન્સ સાથે દસ્તાવેજો હોવા જોઈએ. આ સાથે કેટેગરીનું પ્રમાણપત્ર હોવું જોઈએ.
વિદ્યાર્થીઓ સ્થાનિક ભાષામાં આપી શકશે યુનિવર્સિટીની પરીક્ષા
UGC કોલેજ કે યુનિવર્સિટીઓમાં ભણતા વિદ્યાર્થીઓને એક મોટી રાહત આપી છે. યુજીસીએ તમામ યુનિવર્સિટીઓને વિદ્યાર્થીઓને તેમની સ્થાનિક ભાષામાં પેપર આપવા દેવાની મંજૂરી આપવાનો આદેશ આપ્યો છે. UGCના ચેરમેન જગદેશ કુમારે જણાવ્યું હતું કે, એક સીમાચિહ્નરૂપ નિર્ણયમાં યુનિવર્સિટી ગ્રાન્ટ્સ કમિશને યુનિવર્સિટીઓને વિદ્યાર્થીઓને સ્થાનિક/પ્રાદેશિક ભાષાઓમાં પરીક્ષા આપવાની મંજૂરી આપવા જણાવ્યું છે, પછી ભલેને આ કોર્સ અંગ્રેજી માધ્યમમાં આપવામાં આવે. સ્થાનિક ભાષાઓમાં અભ્યાસને પ્રોત્સાહન આપવા માટે આ નિર્ણય લેવામાં આવ્યો છે.
