કામની વાત / રોટલી બનાવતી વખતે ભૂલથી પણ ન કરતા આ ભૂલ, પરિવારના સ્વાસ્થ્ય માટે બનશે હાનિકારક

ભારતમાં મોટાભાગના ઘરોમાં સવાર સાંજે ભોજનમાં રોટલી જરૂર બનતી હોય છે. રોટલી વગર ભોજનની થાળી અધુરી માનવામાં આવે છે. જ્યાં સુધી થાળીમાં રોટલી, દાળ, ભાત અને શાક, સલાડ ન હોય ત્યાં સુધી ભોજન અધુરૂ માનવામાં આવે છે. 

પરંતુ રોટલી બનાવતી વખતે લોકો અમુક નાની નાની પરંતુ મહત્વપૂર્ણ વાતોનું પાલન કરવાનું ભૂલી જાય છે. જેનાથી ભોજનના પોષક તત્વ શરીર સુધી પહોંચી નથી શકતા. લોટ બાંધવાથી લઈને રોટલી શેકવા સુધી દરેક વસ્તુ યોગ્ય રીતે કરવી ખૂબ જ જરૂરી છે.

રોટલી બનાવતી વખતે ન કરો આ ભૂલો 
લોટ બાંધ્યાના તરત બાદ ન બનાવો રોટલી 
મોટાભાગના લોકો એવી ભૂલ કરે છે કે લોટ બાંધ્યા બાદ તરત રોટલી બનાવવાનું શરૂ કરી દે છે. પરંતુ લોટ બાંધ્યા બાદ તેને થોડી વાર માટે સેટ થવા માટે મુકી રાખો. તેનાથી તે હલ્કો ફેર્મેટ થઈ જશે. આવા લોટની રોટલી વધારે મુલાયમ બને છે સાથે જ સ્વાસ્થ્ય માટે પણ ખૂબ જ ફાયદાકારક માનવામાં આવે છે. 

લોખંડની તવીનો ઉપયોગ કરો 
અમુક લોકો મોર્ડન સ્ટાઈલના ચક્કરમાં નોન સ્ટિક તવી પર રોટલી શેકે છે. જે સ્વાસ્થ્ય માટે યોગ્ય નથી માનવામાં આવતું. જો તમે પણ એવું કરી રહ્યા છો તો આ આદતને બદલી નાખો. રોટલી હંમેશા લોખંડના તવા પર જ શેકવી જોઈએ. તેનાથી શરીરને આયર્ન મળે છે સાથે જ સ્વાસ્થ્યને કોઈ નુકસાન પણ નથી થતું. 

રોટલીને ખાવાની રીત 
મોટાભાગના ઘરોમાં રોટલીને ગરમ રાખવા એલ્યુમિનિયમ ફોયલ પેપરનો ઉપયોગ કરે છે. ગરમ રોટલીને ફોયલમાં રેપ કરવાથી સ્વાસ્થ્યને નુકસાન થાય છે. તેના ઓપ્શનમાં તમે કોઈ કપડામાં રોટલીને રાખી શકો છો. 

વધુ વાંચો: જો 30 વર્ષની ઉંમરથી જ આ 4 આદતો અપનાવશો, તો બીમારીઓ રહેશે દૂર!

લોટ કયો ઉપયોગમાં લો છો તેનું રાખો ધ્યાન 
સ્વસ્થ્ય રહેવા માટે તમે યોગ્ય અનાજને પોતાની ડાયેટમાં સામેલ કરો. શહેરોમાં રહેતા લોકો હવે ઘંટીમાં લોટ નથી દળાવતા તે પેકેટબંધ લોટનો ઉપયોગ કરે છે. આ લોટ સ્વાસ્થ્ય માટે ખતરનાક છે. સાથે જ ઘઉંના લોટની જગ્યા પર મલ્ટીગ્રેન લોટની રોટલીઓ બનાવો. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો