ટકોર / ફેક ન્યૂઝ પર CJIએ વ્યક્ત કરી ચિંતા: કહ્યું લોકોમાં ધીરજ ખૂટી, સહમત ન હોય તો ટ્રોલિંગ કરવા લાગે છે

• ફેક ન્યૂઝે સત્યને બનાવ્યો શિકાય: CJI 
• લોકોમાં ધીરજ અને સહિષ્ણુતા નથી: CJI 
• લોકોને ડર લાગે છે કે ટ્રોલિંગ થશે; CJI

અમેરિકન બાર એસોશિએશન ઈન્ડિયા કૉંફરેન્સ 2023માં સંબોધન દરમિયાન CJIએ મોટું નિવેદન આપ્યું હતું. દેશના ચીફ જસ્ટિસ ડીવાય ચંદ્રચૂડે શુક્રવારે કહ્યું હતું કે આપણે એવા સમયમાં જવી રહ્યા છે જ્યાં લોકોમાં ધીરજ અને સહિષ્ણુતા ઘટી ગઈ છે. સોશ્યલ મીડિયામાં જો કોઈ તમારા વિચાર સાથે સહમત નથી તો તમને ટ્રોલ કરવા લાગે છે. 

તેમણે કહ્યું કે સોશ્યલ મીડિયામાં ફેલાવવામાં આવતી ફેક ન્યૂઝના કારણે જૂઠી ખબરો જોતજોતામાં તો મોટી થીયરી બની જાય છે. 

CJIએ કહ્યું કે બાબા સાહેબ આંબેડકરે જ્યારે બંધારણ બનાવ્યું ત્યારે ડ્રાફ્ટ કરવાની પ્રક્રિયામાં ગ્લોબલ એન્ગેજમેન્ટના મહત્વને સમજ્યું હતું અને કહ્યું હતું કે દેશના લોકોની જરૂરીયાતોને ધ્યાને રાખીને દુનિયાથી પ્રેરણા લઈને આ બંધારણ બનાવવામાં આવ્યું છે. આ એક એવી અનોખી ભારતીય પ્રોડક્ટ છે જે ગ્લોબલ પણ છે. જોકે તે સમયના લોકોને અંદાજ નહોતો કે દુનિયામાં આ પ્રકારના બદલાવ આવશે, તે સમયે ઈન્ટરનેટ નહોતું. સોશ્યલ મીડિયા તો હતું જ નહીં, આજે તો દરેક નાની મોટી વાત માટે ડર લાગે છે કે સોશ્યલ મીડિયા પર લોકો તમને ટ્રોલ કરશે. અને મારો વિશ્વાસ માનો જજ થઈને પણ અમે આ ટ્રોલિંગથી બચી નથી શકતા.