Trailer / સિદ્ધાર્થના કર્મોનો હિસાબ કરવા માટે આવી ગયા ચિત્રગુપ્ત અજય દેવગણ, ફિલ્મ 'Thank God' નું ટ્રેલર થયું રિલીઝ

• આજે વધુ એક બૉલીવુડ ફિલ્મનું ટ્રેલર રિલીઝ થયું
• અજય દેવગણ અને સિદ્ધાર્થ મલ્હોત્રાની ફિલ્મ 'થેંક ગોડ'નું ટ્રેલર થયું રિલીઝ 

એક તરફ બૉલીવુડના બૉયકોટનો ટ્રેન્ડ ચાલી રહ્યો છે અને બીજી તરફ એક પછી એક એમ નવી નવી ફિલ્મો આવી રહી છે. આજે વધુ એક બૉલીવુડ ફિલ્મનું ટ્રેલર રિલીઝ થયું છે. અજય દેવગણ અને સિદ્ધાર્થ મલ્હોત્રાની ફિલ્મ 'થેંક ગોડ'નું ટ્રેલર બહાર પડ્યું છે. આ ટ્રેલર ખૂબ જ રસપ્રદ લાગી રહ્યું છે અને લોકોને પસંદ પણ આવી રહ્યું છે. 

This Diwali, Chitragupt is coming to play the game of life with you and your family! #ThankGod trailer out tomorrow.
In cinemas on October 25.@SidMalhotra @Rakulpreet pic.twitter.com/78fjGfsUkq

— Ajay Devgn (@ajaydevgn) September 8, 2022

ટ્રેલરની શરૂઆત સિદ્ધાર્થ મલ્હોત્રાના પાત્રથી શરૂ થાય છે જે અચાનક અકસ્માતનો શિકાર બને છે અને એ પછી સિદ્ધાર્થની આત્મા ચિત્રગુપ્તના દરબારમાં પહોંચી જાય છે, જે લોકોના કર્મોનો હિસાબ કરે છે. અહિયાં ચિત્રગુપ્તના રોલમાં અજય દેવગન જોવા મળે છે. જો કે ફિલ્મમાં તેનો લુક થોડા દિવસ પહેલા જ શેર કરવામાં આવ્યો હતો અને લોકોને તે ઘણો પસંદ આવ્યો હતો.

શું છે ફિલ્મની સ્ટોરી 
આ ફિલ્મમાં ચિત્રગુપ્ત અજય દેવગણ સિદ્ધાર્થના કિરદાર સાથે એક ગેમ રમતા જોવા મળે છે. આ ગેમમાં ચિત્રગુપ્તને કર્મોનો હિસાબ કરવાનો હોય છે. ચિત્રગુપ્ત સિદ્ધાર્થને તેની ખામીઓ જણાવે છે જેમાં ક્રોધ, ઈર્ષ્યા અને વાસનાનો સમાવેશ થાય છે. તેની પત્નીની તરક્કીની ઈર્ષા કરતો સિધ્ધાર્થ ના કર્મોનો હિસાબ અજય દેવગણ દ્વારા કરવામાં આવશે. ફિલ્મમાં સિધ્ધાર્થની પત્નીનું પાત્ર રકુલ પ્રીત સિંહ ભજવી રહી છે. આવી અલગ કહાની જોઈને દર્શકોને આ ટ્રેલર ઘણું પસંદ આવ્યું છે. 

આ ફિલ્મ દિવાળીના તહેવાર પર 25 ઓક્ટોબરના રોજ રિલીઝ થવા જઈ રહી છે. જણાવી દઈએ કે ફિલ્મ 'થેંક ગોડ'ની સાથે અક્ષય કુમારની ફિલ્મ 'રામ સેતુ' પણ સિનેમાઘરોમાં રિલીઝ થવા જઈ રહી છે. અજય-સિદ્ધાર્થની કોમેડી ફિલ્મ તો અક્ષયની પૌરાણિક કથા સાથે જોડાયેલી ફિલ્મ, દર્શકો કઈ ફિલ્મ જોશે એ જોવાલાયક રહ્યું. ઘણા સમય પછી અજય દેવગન અને અક્ષય કુમાર બોક્સ ઓફિસ પર આમને-સામને આવી રહ્યા છે.