- ચીને ભારત અને અમેરિકાને આપ્યો ફરી ઝટકો
- 26/11ના મુંબઈ હુમલાના વોસ્ટ મોન્ટેડને ગ્લોબલ આતંકી જાહેર થતો અટકાવ્યો
- ભારત અને અમેરિકાએ યુએનમાં મૂક્યો હતો પ્રસ્તાવ, ચીને વીટો વાપર્યો
ભારતના મોટા આતંકી અને બે બે હુમલાના મોસ્ટ વોન્ટેડ આતંકવાદી સાજિદ મીરને ફરી વાર બચાવી લઈને ચીને પાકિસ્તાનને સપોર્ટ કર્યો છે. ફરી વાર એક વાર ચીનનો આતંકી સમર્થિત ચહેરો ખુલ્લો પડ્યો છે. મંગળવારે ભારત અને અમેરિકાએ સાજિદ મીરને ગ્લોબલ ટેરરિસ્ટ જાહેર કરવા માટેનો પ્રસ્તાવ મૂક્યો હતો જોકે ચીને વીટો વાપરી દેતા તે પ્રસ્તાવ અટકી ગયો હતો. ચીનના આ પગલાંથી સાજિદ મીર હવે વૈશ્વિક આતંકી જાહેર નહીં થાય. ચીને મંગળવારે સંયુક્ત રાષ્ટ્રમાં ભારત અને અમેરિકા દ્વારા પાકિસ્તાન સ્થિત લશ્કર-એ-તૈયબાના આતંકવાદી સાજિદ મીરને 26/11ના મુંબઇ આતંકવાદી હુમલામાં સંડોવણી માટે વોન્ટેડ જાહેર કરવાના પ્રસ્તાવને અટકાવી દીધો છે. ગયા વર્ષે સપ્ટેમ્બરમાં પણ ચીને સાજિદ મીરને ગ્લોબલ ટેરરિસ્ટ જાહેર થતા અટકાવ્યો હતો અને હવે બીજી વાર ચીને આવું કર્યું છે.
સાજિદ મીરના માથે 41 કરોડનું ઈનામ
સાજિદ મીર ભારત પરના બે મોટા હુમલામાં મોસ્ટ વોન્ટેડ છે. તે 2008ના અને 26-11ના હુમલામાં મોસ્ટ વોન્ટેડ આતંકી છે. અમેરિકાએ તેના માથા પર 5 મિલિયન ડોલર (41 કરોડથી વધુ) નું ઈનામ જાહેર કરી રાખ્યું છે.
ભૂતકાળમાં ઉડી હતી મોતની અફવા
જૂનમાં મીરને પાકિસ્તાનની એન્ટી-ટેરરિઝમ કોર્ટે ટેરર-ફાઇનાન્સિંગ કેસમાં 15 વર્ષથી વધુની જેલની સજા સંભળાવી હતી. ભૂતકાળમાં સાજિદ મીરના મોતની ખબર પાકિસ્તાને ફેલાવી હતી જોકે પશ્ચિમના દેશોએ તેના મોતનો પુરાવો આપો તો જ સાચું માનીએ તેવું જણાવ્યું હતું.
સાજિદ મીર મુંબઈ હુમલાનો આરોપી
આતંકી સાજિદ મીર 26/11ના મુંબઈ હુમલામાં વોન્ટેડ છે. પાકિસ્તાન સ્થિત આતંકી સંગઠન લશ્કર-એ-તૈયબા (એલઈટી)એ 2008માં આતંકીઓને મુંબઈ મોકલીને આ હુમલા કર્યા હતા. આ દરમિયાન આતંકીઓએ હોટલ, હોસ્પિટલ, કાફે, રેલવે સ્ટેશન સહિત ઘણી જગ્યાઓને નિશાન બનાવી હતી જેમાં 170થી વધુ લોકોના મોત થયા હતા. આ હુમલાઓમાં છ અમેરિકનો પણ માર્યા ગયા હતા. મીર, એક આતંકવાદી, કથિત રીતે આ હુમલાઓનો મુખ્ય આયોજક હતો. તેણે હુમલા દરમિયાન આતંકીઓને સૂચના આપી હતી. 21 એપ્રિલ, 2011ના રોજ મીર પર અમેરિકાની ડિસ્ટ્રિક્ટ કોર્ટ સહિત અનેક અદાલતોએ આરોપ મૂક્યો હતો. તેના પર વિદેશી સરકારી સંપત્તિને નુકસાન પહોંચાડવાનું કાવતરું ઘડવાનો, આતંકવાદીઓને મદદ કરવાનો, અમેરિકાની બહાર એક નાગરિકની હત્યા કરવાનો અને જાહેર સ્થળોએ બોમ્બ ધડાકા કરવાનો આરોપ મૂકવામાં આવ્યો હતો. 22 એપ્રિલ, 2011ના રોજ અમેરિકા દ્વારા મીર વિરુદ્ધ ધરપકડ વોરંટ જારી કરવામાં આવ્યું હતું. અમેરિકાએ તેના માથે 41 કરોડનું ઈનામ બહાર પાડી રાખેલું છે.
