બોલીવુડ / કોમેડિયન કપિલ શર્મા બન્યો સિંગર: ગુરુ રંધાવા સાથેનું ગીત થયું રીલીઝ, યોગીતાએ ખેંચ્યું સૌ કોઈનું ધ્યાન

• રીલીઝ થતા જ છવાયુ કપિલ શર્મા અને ગુરૂ રંધાવાનુ ગીત 'અલોન'
• ગીતના વીડિયોમાં યોગિતા બિહાનીએ બધાનુ ધ્યાન ખેંચ્યું
• આ ગીતથી કપિલે સિંગર તરીકે કારકિર્દીની નવી શરૂઆત કરી

કપિલ શર્મા અને ગુરૂ રંધાવાનુ મોસ્ટ અવેટેડ સોન્ગ 'અલોન' રીલીઝ

નવા ટેલેન્ટને ઓળખવા અને તેને લોન્ચ કરવા માટે ઓળખાતા ભૂષણ કુમારે કપિલ શર્માનુ ડેબ્યુ સિંગલ અલોન રીલીઝ  કરી દીધુ છે. આ ગીતથી કપિલે સિંગર તરીકે પોતાની કારકિર્દીની નવી શરૂઆત કરી છે. 'અલોન' રીલીઝ પહેલા જ ઈન્ટરનેટ પર છવાયુ હતુ અને હવે જ્યારે આ હાર્ટ બ્રેક સોન્ગ સામે આવી ગયુ છે તો આ સિંગલ્સની દુનિયામાં કપિલ માટે મહત્વનુ પગલુ સાબિત થઇ શકે છે. આ સાથે આ ગીતમાં તેમણે પહેલી વખત પૉપ સ્ટાર ગુરૂ રંધાવાની સાથે કામ કર્યુ છે. 

'અલોન' ગીતમાં કપિલ શર્મા અને યોગિતા બિહાની વચ્ચે સુંદર કેમેસ્ટ્રી

અલોન ટી-સીરીઝ દ્વારા પ્રસ્તુત ઈમોશનલ હાર્ટબ્રેકિંગ સોન્ગ છે, જે કપિલ શર્મા અને યોગિતા બિહાનીની વચ્ચે એક સુંદર કેમેસ્ટ્રીને દર્શાવે છે. આ ગીતમાં ગુરૂ રંધાવા પણ દેખાઈ રહ્યાં છે. ગીતનો વીડિયો એટલો સારો છે કે ગીત રીલીઝ થતા તેને 17 લાખથી વધુ વખત જોવામાં આવ્યુ છે. ગીતના વ્યુજ સતત વધી રહ્યાં છે. 

સંજયે આ ગીતનુ મ્યુઝીક પ્રોડ્યુસ કર્યુ

ગુરૂ અને કપિલના અવાજમાં ગાવવામાં આવેલા આ ગીતને ગુરૂએ કમ્પોઝ અને લખ્યું પણ છે, જ્યારે સંજયે આ ગીતનુ મ્યુઝીક પ્રોડ્યુસ કર્યુ છે. મનાલીની પ્રાકૃતિક સુંદરતામાં દર્શાવવામાં આવેલા આ ગીતને ગિફ્ટીએ ડાયરેક્ટ કર્યુ છે. 

કપિલ શર્માનો સાથ મેળવીને ખૂબ ખુશ છીએ: ભૂષણ કુમાર

ભૂષણ કુમારનુ માનવુ છે કે અમે આ ગીત માટે કપિલ શર્માનો સાથ મેળવીને ખૂબ ખુશ છીએ. જેની ગાયન પ્રતિભાથી આખી દુનિયા વાંકેફ છે. કપિલની સાથે આ ગીતમાં ગુરૂ રંધાવાથી સારો કોઈ ગાયક હોઈ શકે નહીં. કારણકે ઑન કેમેરા અને ઑફ કેમેરા બંનેની વચ્ચે એક અદભૂત બોન્ડીંગ છે અને બંનેએ યોગિતા બિહાની સાથે મળીને સારું કામ કર્યુ છે.