ચેતી જજો! / ચ્યુઈંગ ગમ, ડાયટ કોકા-કોલા... આ ટેસ્ટી વસ્તુઓ ખાવાથી વધે છે કેન્સરનો ખતરો, WHOએ લિસ્ટ જાહેર કરી આપી વોર્નિંગ

• WHOએ એસ્પાર્ટેમ અંગે જારી કરી ચેતવણી
• આર્ટિફિશિયલ સ્વીટર કેન્સરને આમંત્રિત કરી શકે છે
• ખાણી-પીણીની અનેક ચીજોમાં હોય છે આ જોખમી તત્વ

જો તમે પોતાની ચા માંથી શુગરની સાઈડ ઈફેક્ટને દૂર કરવા માટે આર્ટીફિશિયલ સ્વીટનરનો ઉપયોગ કરો છો તો WHOએ આપેલી આ ચેતવણી વિશે જાણી લેજો. WHO કહે છે કે ખાણી-પીણીની ચીજો બનાવતી કંપનીઓ પોતાની આઈટમ્સમાં શુગરની જગ્યાએ આર્ટિફિશિયલ સ્વીટનરનો ઉપયોગ કરે છે જેમાં સૌથી વધુ એસ્પાર્ટેમ હોય છે.

એસ્પાર્ટેમમાં ઝીરો કેલેરી હોય છે
એસ્પાર્ટેમમાં કોઈ કેલેરી નથી હોતી. તે સામાન્ય શુગરની સરખામણીએ 200 ગણી વધારે મીઠાશ ધરાવે છે. સોફ્ટ ડ્રિંકમાં લગભગ 95% પ્રમાણમાં એસ્પાર્ટેમ હોય છે. WHOએ ચેતવણી આપી છે કે ખાણી-પીણીની ચીજોમાં આ કૃત્રિમ મીઠાશ કેન્સર જેવી બીમારીઓને આમંત્રિત કરી શકે છે. ડાયટ કોક કે ચ્યૂઈંગ ગમ આર્ટીફિશિયલ સ્વીટરનરથી ભરપૂર હોય છે. તેવામાં જીવલેણ રોગથી બચવા માટે એ જાણવું જરૂરી છે કે કઈ ચીજોમાં આર્ટીફિશિયલ સ્વીટનર એસ્પાર્ટેમનો ઉપયોગ સૌથી વધુ માત્રામાં કરવામાં આવે છે.

કેન્સરનો રિસ્ક વધે છે
ગતવર્ષે ફ્રાંસમાં એસ્પાર્ટેમની અસરને લઈને એક લાખથી વધારે લોકો પર રિસર્ચ કરવામાં આવી હતી જેમાં સામે આવ્યું કે જે લોકો આર્ટિફિશિયલ સ્વીટનરનો ઉપયોગ કરે છે તેમનામાં કેન્સરનો રિસ્ક સૌથી વધારે રહે છે.

આ ચીજો ખાવાથી કેન્સરનો રિસ્ક વધી શકે છે :
ખાણી-પીણીની આ વસ્તુઓમાં આર્ટીફિશિયલ સ્વીટનર એસ્પાર્ટેમનું પ્રમાણ સૌથી વધારે હોય છે.

• ડાયટ કોકા-કોલા
• ટ્રાઈડેંટ શુગર-ફ્રી પેપરમિંટ ગમ
• સ્નેપલ ઝીરો શુગર ચા અને જ્યૂસ
• એક્સ્ટ્રા શુગર ફ્રી માર્સ ચ્યુઈંગ ગમ
• જેલ-ઓ શુગર ફ્રી જિલેટિન ડેજર્ટ મિક્સ
• શુગર ટ્વિન 1 સ્વીટનર પેકેટ
• ઈકલલ ઝીરો કેલેરી સ્વીટનર

કાર્સિનોજન શું હોય છે?
એસ્પાર્ટેમ એક લોકપ્રિય કૃત્રિમ સ્વીટનર છે જેને WHO દ્વારા સંભવિત કેન્સરજન્ય ઘોષિત કરવામાં આવ્યું છે. એસ્પાર્ટેમનો ઉપયોગ શુગરનાં વિકલ્પનાં રૂપમાં કરવામાં આવે છે. રિપોર્ટ અનુસાર એસ્પાર્ટેમને કાર્સિનોજેન જેવું જણાવવામાં આવ્યું છે એટલે કે તેનાથી સ્વાસ્થ્ય સંબંધી ચિંતાઓ પેદા થઈ શકે છે. કાર્સિનોજેન એવો પદાર્થ છે જે મનુષ્યોમાં કેન્સરનું કારણ બની શકે છે.

કેટલી માત્રામાં એસ્પાર્ટેમનું સેવન હિતાવહ?
FDAએ એસ્પાર્ટેમનાં ડેઈલી ઈન્ટેકની લિમિટ પ્રતિદિન શરીરનાં વજનનનાં 50 મિલીગ્રામ પ્રતિ કિગ્રા નક્કી કર્યું છે જ્યારે યૂરોપિયન યૂનિયને પ્રતિદિન 40 મિલીગ્રામ પ્રતિ કિગ્રાની લિમીટ સેટ કરી છે.