- મહિન્દ્રા ટૂંક સમયમાં માર્કેટમાં સસ્તી થાર લોન્ચ કરશે
- કેવું હશે મહિન્દ્રા થારનું નવું સસ્તું વેરિઅન્ટ
- શું હશે કિંમત અને ક્યારે થશે લોન્ચ?
મહિન્દ્રા થારનો ઉલ્લેખ થતાં જ દરેક લોકોણઆ મગજમાં એક દમદાર ઓફ-રોડરની છબી આવી જાય છે. પાવરફુલ એન્જિન અને ખાસ સ્ટાઇલના કારણે આ SUV યુવાનોમાં ખૂબ જ લોકપ્રિય છે. જો કે સુવિધાઓ અને લાભો હોવા છતાં આ SUV તેની ઊંચી કિંમત અને ઓછી સિટિંગ કેપીસીટીને હજુ પણ કારણે ઘણા ખરીદદારોની બકેટ લિસ્ટની બહાર છે. પણ એક રિપોર્ટ પ્રમાણે સામે આવ્યું છે કે તેનું સસ્તું વર્જન પણ ટૂંક સમયમાં બજારમાં આવવાની અપેક્ષા છે. જો રિપોર્ટ્સનું માનીએ તો મહિન્દ્રા ટૂંક સમયમાં માર્કેટમાં સસ્તી થાર લોન્ચ કરશે.થારનું આ નવું વર્ઝન મોટા ફેરફાર સાથે રજૂ કરવામાં આવશે.
રિપોર્ટ્સ અનુસાર મહિન્દ્રા થારને ટૂંક સમયમાં નવી પાવરટ્રેન તરીકે રજૂ કરવામાં આવશે. આ SUVને નવા 1.5-લિટર ડીઝલ એન્જિન સાથે રજૂ કરવાની તૈયારી થઈ રહી છે જે હાલના 2.2-લિટર (ડીઝલ) અને 2.0-લિટર (પેટ્રોલ) સાથે વહેંચવામાં આવશે. આ નવા એન્જિનને જ ઉમેરતાની સાથે જ આ SUV નવા ટેક્સ બ્રેકેટમાં સરળતાથી ફિટ થઈ જશે કારણ કે તે પહેલાથી જ અંડર ફોર મીટર સેગમેન્ટમાં આવે છે. આ SUVની લંબાઈ માત્ર 3,985 mm છે.
કેવું હશે મહિન્દ્રા થારનું નવું સસ્તું વેરિઅન્ટ
જણાવી દઈએ કે આ એન્ટ્રી-લેવલ વેરિઅન્ટમાં કંપની 1.5-લિટર ડીઝલ એન્જિનનો ઉપયોગ કરી શકે છે, જે 117hpનો પાવર જનરેટ કરે છે. જો કે કંપનીએ Marazzo માં પણ આ જ એન્જિનનો ઉપયોગ કર્યો હતો. આ એન્જિનને 6-સ્પીડ મેન્યુઅલ ટ્રાન્સમિશન ગિયરબોક્સથી સજ્જ છે અને એવું બની શકે કે તેમાં ઓટોમેટિક ટ્રાન્સમિશન શામેલ ન પણ કરવામાં આવે, જે આ વેરિઅન્ટની કિંમતને ન્યૂનતમ રાખવામાં મદદ કરશે.
મહિન્દ્રાના આ સસ્તા વેરિઅન્ટમાં બીજો મોટો ફેરફાર તેની ડ્રાઇવિંગ સિસ્ટમનામાં જોવા મળી શકે છે. એવું કહેવામાં આવી રહ્યું છે કે, એ ટુ-વ્હીલ ડ્રાઇવ (2WD) સિસ્ટમ સાથે આવશે. જણાવી દઈએ કે વર્તમાન ડીઝલ મોડલ ફોર વ્હીલ ડ્રાઈવ (4WD) સિસ્ટમ સાથે આવે છે. આ ફેરફારને કારણે એસયુવીની કિંમતમાં ઘટાડો થવાની તમામ શક્યતાઓ છે. જો કે આ એન્ટ્રી-લેવલ મહિન્દ્રા થારના ઈન્ટિરિયરની તસવીર પણ ઈન્ટરનેટ પર લીક થઈ છે, જેમાં સેન્ટ્રલ કન્સોલ સાથે ગિયર લીવર બદલવામાં આવ્યું છે. ડીઝલ એન્જિન ઉપરાંત કંપની ટુ-વ્હીલ ડ્રાઇવ (2WD) સિસ્ટમ સાથે વર્તમાન 2.0L ટર્બો-પેટ્રોલ વેરિઅન્ટ જોવા મળે છે અને તેમાં 6-સ્પીડ મેન્યુઅલ ટ્રાન્સમિશન ગિયરબોક્સ પણ સામેલ કરવામાં આવશે.
શું હશે કિંમત અને ક્યારે થશે લોન્ચ?
રિપોર્ટ્સ અનુસાર કંપની આવતા વર્ષે જાન્યુઆરી મહિનામાં નવી સસ્તી મહિન્દ્રા થાર રજૂ કરી શકે છે. જો કે લોન્ચ પહેલા તેની કિંમત વિશે કંઈપણ કહેવું મુશ્કેલ છે, પરંતુ એક્સપર્ટસનું માનવું છે કે નવા થારના વર્તમાન મોડલ કરતાં તેની કિંમત ઘણી ઓછી હશે. વર્તમાન મોડલની કિંમત 13.59 લાખ રૂપિયાથી શરૂ થાય છે. ટુનવા વર્ઝનને 10 લાખ રૂપિયાની કિંમતે લોન્ચ કરવામાં આવી શકે છે.
