સુરતમાં બાળકી સાથે દુષ્કર્મ આચર્યા બાદ તેની હત્યા કરવાનાં કેસમાં કોર્ટે આરોપીને ફાંસીની સજા ફટકારી છે. કોર્ટનાં નિર્ણય બાદ ગૃહરાજ્ય મંત્રી હર્ષ સંઘવીએ નિવેદન આપ્યું હતું કે, ન્યાયતંત્રની મદદથી બાળકીનાં પરિવારને ન્યાય મળ્યો છે તેમજ ચાર જ મહિનામાં પરિવારને ન્યાય મળ્યો છે.
Share
સુરતમાં બાળકી સાથે દુષ્કર્મ બાદ હત્યા મામલે હર્ષ સંઘવીનું નિવેદન
માત્ર 11 દિવસમાં પોલીસે ચાર્જશીટ ફાઇલ કરી હતીઃ સંઘવી
સુરતમાં બાળકી સાથે દુષ્કર્મ બાદ તેની નિર્મમ હત્યા કરનાર આરોપી ઈસ્માઈલ હજાતને કોર્ટે ફાંસીની સજા ફટકારી હતી. ત્યારે કોર્ટનાં નિર્ણય બાદ ગૃહરાજ્ય મંત્રી હર્ષ સંઘવીએ સુરત પોલીસ તેમજ સરકારી વકીલ દ્વારા કરવામાં આવેલી કામગીરી પર અભિનંદન પાઠવ્યા હતા. તેમજ હર્ષ સંઘવીએ નિવેદન આપ્યું હતું કે, ન્યાયતંત્રની મદદથી બાળકીનાં પરિવારને ન્યાય મળ્યો છે. તેમજ આરોપી યુસુફને ફાંસીની સજા સંભળાવી છે. પોલીસ દ્વારા માત્ર 11 દિવસમાં ચાર્જશીટ ફાઈલ કરી હતી. ત્યારે 4 મહિના અને 4 દિવસમાં જ પરિવારને ન્યાય મળ્યો છે.
બંધ મકાનની પાછળ ખુલ્લી જગ્યામાંથી મળી આવ્યો હતો મૃતદેહ
સુરત શહેરના સચિનના કપલેટા ગામમાં રહેતી બે વર્ષની બાળકીનો મૃતદેહ 28 ફેબ્રુઆરી 2023ના રોજ એક બંધ મકાનની પાછળ ખુલ્લી જગ્યામાં ઝાડીઓમાંથી મળી આવતા પરિવારજનોમાં શોકનું મોજું ફરી વળ્યું હતું. બાળકીનો મૃતદેહ મળી આવતા ઉચ્ચ અધિકારીઓનો કાફલો બનાવ સ્થળે દોડી આવ્યો હતો. માસુમ બાળકીનો મૃતદેહ મળી આવતા પોલીસે તપાસનો ધમધમાટ શરૂ કર્યો હતો. પોલીસે આરોપીને ઝડપી 11 દિવસમાં તૈયાર કરી ચાર્જશીટ
જેથી સચીન પોલીસે માસુમ બાળકી પર દુષ્કર્મ બાદ હત્યાના ગુનામાં આરોપી ઇસ્માઇલ હજાતને જેલભેગો કરી ચાર્જશીટ તૈયાર કરવાની કામગીરી હાથ ધરી દીધી હતી. પોલીસે 11 દિવસમાં ચાર્જશીટ તૈયાર કરીને કોર્ટમાં રજૂ કરી દીધી હતી. સરકારપક્ષના મુખ્ય જિલ્લા સરકારી વકીલ નયન સુખડવાલાએ આરોપી વિરુદ્ધ ચાર્જફ્રેમ થયા બાદ માત્ર પાંચ જ મહિનાના ટૂંકાગાળામાં સ્પીડી ટ્રાયલ ચલાવીને કુલ 59 સાક્ષીઓ તથા 70 દસ્તાવેજી પુરાવા રજૂ કર્યા હતા. જે બાદ કોર્ટે આરોપીને દોષિત જાહેર કર્યો હતો.
.jpg)
