જો તમારી પાસે કાર છે તો તમે જાણતા જ હશો કે પેપર વર્ક પુરા હોવા કેટલા જરૂરી છે. ગાડીનું આરસી, ગાડીનું પોલ્યૂશન સર્ટિફિકેટ અને ડ્રાઈવિંગ લાયસન્સ જેવા અન્ય દસ્તાવેજ જોઈએ છે. જો તમારી પાસે આ ડોક્યુમેન્ટ નથી તો તમને ટ્રાફિક પોલીસ રોકી શકે છે અને તમારી ગાડીનું ચલણ કપાઈ શકે છે.
આ બધા ઉપરાંત વધુ એક દસ્તાવેજ છે જે ખૂબ જ જરૂરી છે અને તે છે તમારી ગાડીનું ઈન્શ્યોરન્સ. બસ ધ્યાન રાખો કે તમે જ્યારે પણ પોતાની ગાડીનું ઈન્શ્યોરન્સ કરાવશો તો અમુક વાતોનું ખાસ ધ્યાન રાખો. નહીં તો તમારી સાથે મુશ્કેલીઓ થઈ શકે છે અને તમને ઈન્શ્યોરન્સ મોંઘુ પડી શકે છે. આવો જાણીએ તેના વિશે....
ઈન્શ્યોરન્સ પસંદ કરતી વખતે આ વાતોનું રાખો ધ્યાન
કવરેજનું રાખો ધ્યાન
જ્યારે પણ તમે કાર ઈન્શ્યોરન્સ લો તો તેમાં જુઓ કે તેમાં શું-શું કવર થયું છે. જેમ કે- કારને નુકસાન થવા પર કવર, ચોરી કે અન્ય રીતે કારને નુકસાન પહોંચે તો પોલિસી કવર કરે છે કે નહીં. ત્યાર બાદ જ પોલિસી પસંદ કરો.
.jpg)
આઈડીવી વેલ્યૂ જાણો
તમે જ્યારે પણ ગાડીનું ઈન્શ્યોરન્સ પસંદ કરો છો તો તેમાં આઈડીવી વેલ્યૂનું જરૂર ધ્યાન રાખો. હકીકતે આ ગાડીની હાલની કિંમત હોય છે. ઘણી પોલિસીમાં તમે તેને ઘટાડી કે વધારી શકો છો. માટે તેનું ધ્યાન રાખો.
શરતો અને નિયમો ન ભૂલો
કોઈ પણ પોલિસીને પસંદ કરતી વખતે એક વાતનું ધ્યાન રાખો કે તેના નિયમ અને શરતોને જરૂર જાણો અને વાંચી લો. ઘણી વખત લોકો તેને નજરઅંદાજ કરી દે છે. પરંતુ આમ કરવાથી તમને ક્લેમના સમયે મુશ્કેલીઓ આવી શકે છે.
વધુ વાંચો: માત્ર 2 હજારની બચતમાં પૂર્ણ થશે કરોડપતિ થવાનું સ્વપ્ન? એ કઇ રીતે, સમજો ગણિત
કમ્પેર કરવું જરૂરી
જ્યારે પણ તમે પોતાની ગાડીની પોલિસી ખરીદો તો ફક્ત કોઈ એક કંપની પર જ નિર્ભર ન રહો. પરંતુ અલગ અલગ કંપનીઓની પોલિસીની ઓનલાઈન કે ઓફલાઈન તુલના કરી શકો છો. તેનાથી તમે ઓછા ભાવમાં એક સારી પોલિસી પસંદ કરી શકો છો.
