તમારા કામનું / માત્ર 2 હજારની બચતમાં પૂર્ણ થશે કરોડપતિ થવાનું સ્વપ્ન? એ કઇ રીતે, સમજો ગણિત

જો તમે પોતાના રિટાયરમેન્ટ બાદના જીવનને લઈને ચિંતિત છો. તો આ ખબર તમારા માટે છે. આજે અમે તમને રોકાણના એક એવા ગણિત વિશે જણાવવા જઈ રહ્યા છીએ જ્યાં તમે ફક્ત 2 હજાર રૂપિયાની બચત કરીને રિટાયરમેન્ટના બાદ 1 કરોડ રૂપિયાથી વધારેનું ફંડ ભેગુ કરી શકો છો. જોકે તેના માટે તમારે મ્યુચ્યુઅલ ફંડમાં રોકાણ કરવાનું રહેશે. 

મહત્વની વાત એ છે કે મ્યુચ્યુઅલ ફંડ રોકાણ બજાર જોખમો પર આધાર રાખે છે. તેમાં રોકાણ કરવામાં આવેલા તમારા પૈસા પર મળતું રિટર્ન બજાર પર નક્કી થાય છે. ઘણા નિષ્ણાંતોના અનુસાર મ્યુચ્યુઅલ ફંડ લોન્ગ ટર્મ રોકાણ માટે એક સારો વિકલ્પ છે. આ કડીમાં આવો સમજીએ રોકાણના એ ગણિતને જેની મદદથી તમે માત્ર 2 હજાર રૂપિયાની બચત કરીને 1.3 કરોડ રૂપિયાનું ફંડ ભેગુ કરી શકો છો. 

જાણો શું છે એસઆઈપીનું ગણિત
માની લો તમે 25 વર્ષની ઉંમરમાં કોઈ મ્યુચ્યુઅલ ફંડમાં પોતાની એસઆઈપી બનાવી છે. એસઆઈપી બનાવ્યા બાદ તમને તેમાં દર મહિને 2 હજાર રૂપિયાનું રોકાણ કરવાનું રહેશે. 2 હજાર રૂપિયા મહિનાનું આ રોકાણ તમને 35 વર્ષ સુધી કરવાનું રહેશે. 

એવામાં તમારે એ વાતનું પણ ધ્યાન રાખવાનું છે કે તમારા રોકાણ પર વાર્ષિક 12 ટકા અનુમાનિત રિટર્ન મળતુ રહે. એવામાં 35 વર્ષ બાદ મેચ્યોરિટીના સમયે તમારી પાસે લગભગ 1.3 કરોડ રૂપિયા હશે. 

વધુ વાંચો: NPS સ્કીમ, જેમાં રોકાણ કરનારને થાય છે બે મોટા ફાયદા, ટેક્સ સેવિંગ સાથે મંથલી 45 હજારનું પેન્શન!

મેચ્યોરિટીના સમયે મળતા આ પૈસાના ઉપયોગથી તમે પોતાના ભવિષ્યને આર્થિક રીતે સુરક્ષિત કરી શકો છો. તેના ઉપરાંત આ પૈસાની મદદથી તમે પોતાના ભવિષ્ય સાથે જોડાયેલી જરૂરી યોજનાઓને પણ પુરી કરી શકો છો.