આધુનિક ટેક્નોલોજી / પ્રાઇવેટ પાર્ટમાં થયું કેન્સર, ડૉક્ટર્સે હાથ પર બનાવ્યું નવું લિંગ અને કરી દીધું ટ્રાન્સપ્લાન્ટ

• લિંગમાં કેન્સર થતાં તબીબોએ  શિશ્નને કાઢી નવું લિંગ બનાવ્યું 
• ડોક્ટરોએ કેન્સરગ્રસ્ત શિશ્નને કાઢીને હાથ પર નવું શિશ્ન બનાવી દીધું
• દર્દીના ડાબા હાથની ત્વચા, નસો અને રક્તવાહિનીઓ લઈને નવું શિશ્ન તૈયાર કર્યું

જયપુરની એક ખાનગી હોસ્પિટલના ડોક્ટરોએ જે કરી બતાવ્યું તે ખરેખર કોઈ અજાયબીથી ઓછું નથી. વાત જાણે એમ છે કે, એક કેન્સરના દર્દીના શિશ્નને નુકસાન થયું હતું. ડોક્ટરોએ કેન્સરગ્રસ્ત શિશ્નને કાઢીને હાથ પર નવું શિશ્ન બનાવી દીધું છે. આ પછી નવું લિંગ ટ્રાન્સપ્લાન્ટ કરવામાં આવ્યું. ટ્રાન્સપ્લાન્ટ બાદ પુરુષ દર્દીના શિશ્નમાં પણ આ જ સંવેદનાઓ જાગી હતી. 

જયપુરમાં છેલ્લા કેટલાક વર્ષોમાં 10થી વધુ શિશ્ન પ્રત્યારોપણની કામગીરી સફળતાપૂર્વક કરવામાં આવી છે. બુંદીના રહેવાસી 72 વર્ષીય પુરુષ દર્દી શિશ્નના કેન્સરથી પીડિત હતા. ઘણી ટ્રીટમેન્ટ બાદ પણ તેના લિંગમાં સુધારો થયો ન હતો. આ પછી ડોક્ટરોએ કેન્સરગ્રસ્ત શિશ્નને દૂર કરવાનો નિર્ણય કર્યો. જોકે પહેલા દર્દી આ માટે તૈયાર નહોતા. જોકે બાદમાં ડોકટરોની સમજાવટથી શિશ્ન કાઢી નાખવામાં આવ્યું હતું. 

શિશ્ન કાઢી નાખતા સર્જાઇ હતી મુશ્કેલી 
આ પછી જ્યારે પણ તે દર્દી બેસીને પેશાબ કરવાની સાથે અન્ય શારીરિક સમસ્યાઓનો સામનો કરવો પડતો. આ તરફ ડોકટરોએ આવી સ્થિતિમાં નવું લિંગ બનાવીને ટ્રાન્સપ્લાન્ટ કરવાનું નક્કી કર્યું. પહેલા તો દર્દી ડરી ગયા હતા. પરંતુ બાદમાં ડોક્ટરોની સલાહ પર દર્દી ઓપરેશન માટે રાજી થઈ ગયા હતા. 

ડોકટરોએ જે કર્યું તે ખરેખર એક અજાયબી 
આ દરમિયાન ડૉક્ટરોએ દર્દીના ડાબા હાથની ત્વચા, નસો અને રક્તવાહિનીઓ લઈને નવું શિશ્ન તૈયાર કર્યું. માઇક્રોસ્કોપિક ટેકનીકની મદદથી નવા બનેલા લિંગને તે જ જગ્યાએ ટ્રાન્સપ્લાન્ટ કરીને તેમાં લોહીનો પ્રવાહ શરૂ કરવામાં આવ્યો હતો. આ સર્જરીમાં માઇક્રો સર્જિકલ ટેકનિકનો ઉપયોગ કરવામાં આવ્યો હતો. શિશ્ન પુનઃનિર્માણનો હેતુ યોગ્ય આકાર, લંબાઈ અને મૂત્રમાર્ગ બનાવવાનો તેમજ શિશ્નમાં સંવેદના પુનઃસ્થાપિત કરવાનો છે. ઉપરાંત જે હાથ પર શિશ્ન લગાવવામાં આવ્યું હતું તેની કામ કરવાની ક્ષમતા અને કદમાં કોઈ ફેરફાર થયો નથી. દર્દી હવે પુનઃનિર્મિત શિશ્ન સાથે સામાન્ય જીવન જીવી રહ્યો છે.

શિશ્નના કેન્સરથી પીડાય છે 4 ટકા દર્દીઓ
તબીબોના મતે કેન્સરના લગભગ 4 ટકા દર્દીઓ શિશ્નના કેન્સરથી પીડિત જોવા મળે છે. આમાંથી 50% દર્દીઓએ સારવાર દરમિયાન તેમના શિશ્નને કાઢી નાખવું પડે છે. દર્દીઓ માટે રાહતની વાત છે કે, હવે તેઓ નવું શિશ્ન ટ્રાન્સપ્લાન્ટ કરાવી શકશે. તેનાથી તેમના રોજિંદા જીવનમાં કોઈ વિપરીત અસર થતી નથી. સર્જરી પછી ટ્રાન્સપ્લાન્ટ પછી બનાવવામાં આવેલ નવું શિશ્ન,  કુદરતી શિશ્ન જેવું જ કામ કરે છે. માત્ર બે અઠવાડિયામાં દર્દી સામાન્ય રીતે ચાલી શકે છે અને દૈનિક પ્રવૃત્તિઓ કરી શકે છે. જો દર્દીનું જન્મજાત લિંગ ન હોય તો પણ લિંગ પુનઃનિર્માણ શક્ય છે.