- હવે વર્લ્ડકપની દરેક મેચનું પરિણામ સેમીફાઈનલની ટિકિટ નજીક લઈ જશે
- પાકિસ્તાની ટીમ પોઈન્ટ ટેબલમાં 4 પોઈન્ટ સાથે 5માં સ્થાને
- આગામી મેચોમાં આ બંને ટીમો માટે કરો યા મરો જેવી સ્થિતિ બનશે
ICC ક્રિકેટ વર્લ્ડ કપ 2023 હવે ધીમે ધીમે રોમાંચક તબક્કા તરફ આગળ વધી રહ્યો છે. હવે વર્લ્ડકપની દરેક મેચનું પરિણામ ઘણી ટીમો માટે સેમીફાઈનલનું ગણિત નક્કી કરશે. એવામાં ભારતીય ટીમ આજે (22 ઓક્ટોબર) ODI વર્લ્ડ કપ 2023માં તેની પાંચમી મેચ ન્યૂઝીલેન્ડ સામે રમવા માટે મેદાનમાં ઉતરશે. જે પણ ટીમ આ મેચ જીતશે તે 10 પોઈન્ટની સાથે ટેબલમાં ટોચ પર પહોંચશે અને સેમીફાઈનલની ઘણી નજીક પહોંચી જશે.
4 પોઈન્ટ સાથે 5માં સ્થાને છે પાકિસ્તાન
પણ આ બધા વચ્ચે પાકિસ્તાનને લઈને એક આશંકા છે કે જે રીતે તે બે મેચ હારી ચૂક્યું છે તેના કારણે તેના સેમિફાઈનલમાં પહોંચવાનું સમીકરણ બગડી શકે છે. ટૂર્નામેન્ટની શરૂઆત પાકિસ્તાની ટીમ માટે સારી રહી હતી, પરંતુ છેલ્લી 2 મેચમાં ટીમને સતત 2 હારનો સામનો કરવો પડ્યો છે. આ કારણે ટીમ પોઈન્ટ ટેબલમાં 4 પોઈન્ટ સાથે 5માં સ્થાને છે. પાકિસ્તાન માટે આ ટૂર્નામેન્ટમાં સેમીફાઈનલમાં ક્વોલિફાઈ કરવું સહેલું નહીં હોય. તેનો નેટ રન રેટ -0.456 છે. આ રન રેટ પોતે જ ચિંતાનું કારણ બનશે.
ઓસ્ટ્રેલિયા પોઈન્ટ ટેબલમાં ચોથા નંબર પર
પાકિસ્તાનની જેમ ઓસ્ટ્રેલિયાના પણ ચાર મેચ બાદ 2 પોઈન્ટ છે, પરંતુ કાંગારૂ ટીમનો રન રેટ -0.193 છે. જે પાકિસ્તાન કરતાં સારો છે અને ઓસ્ટ્રેલિયા ટીમ ચોથા નંબર પર છે. સાથે જ દક્ષિણ આફ્રિકાના 4 મેચ બાદ 6 પોઈન્ટ છે, તેણે ઈંગ્લેન્ડને 229 રનથી હરાવ્યું. જ્યારે નેટ રન રેટ 2.212 છે. હવે તે પોઈન્ટ ટેબલમાં ત્રીજા સ્થાને છે. પોઈન્ટ ટેબલમાં ન્યૂઝીલેન્ડ અને ભારત ટોપ પર છે.
આગામી મેચોમાં બંને ટીમો માટે કરો યા મરો જેવી સ્થિતિ
આવી સ્થિતિમાં, આગામી મેચોમાં પાકિસ્તાન અને ઓસ્ટ્રેલિયા બંને ટીમો માટે લગભગ કરો યા મરો જેવી સ્થિતિ બની રહેશે. કોઈપણ મેચમાં હાર થવાથી બંને ટીમોની ટૂર્નામેન્ટની સેમિફાઈનલમાં પહોંચવાની શક્યતા ઓછી થઈ જશે.જો પાકિસ્તાન તેની બાકીની પાંચ મેચ જીતી લે તો તેની સેમીફાઈનલની ટિકિટ કન્ફર્મ થઈ શકે છે. મહત્વનું છે કે ટોચની 4 ટીમો જ સેમિફાઇનલ માટે ક્વોલિફાય થશે. વર્લ્ડ કપની 6 મેચ જીત્યા બાદ પાકિસ્તાની ટીમોએ અન્ય ટીમોના પરિણામો પર નિર્ભર રહેવું પડશે, જ્યારે અંતે નેટ રન રેટનું ગણિત પણ બહાર આવશે.
જ્યારે વિશ્વ ચેમ્પિયન ઈંગ્લેન્ડ 4 મેચમાં ત્રણ પરાજય બાદ નવમા સ્થાને સરકી ગયું છે. તેનો નેટ રન રેટ (NRR) -1.248 છે. ઇંગ્લેન્ડને 21 ઓક્ટોબરે દક્ષિણ આફ્રિકા સામે હાર મળી હતી. હવે ઈંગ્લેન્ડે સેમિફાઈનલમાં પહોંચવા માટે પાંચમાંથી પાંચ મેચ જીતવી પડશે અને અન્ય ટીમો પર નિર્ભર રહેવું પડશે.
