OMG! / Rolls-Royce કાર આવી જાય એટલી છે આ એક ભેંસની કિંમત! સ્પર્મ વેચીને જ માલિકો કમાય છે લાખો રૂપિયા

• મેરઠમાં અહીં ખેડૂત મેળો ભરાયો
• ખેડૂત મેળામાં દસ કરોડની ભેંસ આકર્ષણનુ કેન્દ્ર બની
• ભેંસના ખાનપાન અને સારસંભાળમાં દર મહિને લાખો રૂપિયાનો ખર્ચ થાય છે

ખેડૂત મેળામાં દસ કરોડની ભેંસ આકર્ષણનુ કેન્દ્ર બની

મેરઠમાં અત્યારે ખેડૂત મેળો ચાલી રહ્યો છે અને આ ખેડૂત મેળામાં દસ કરોડની ભેંસ આકર્ષણનુ કેન્દ્ર બની છે. આ ભેંસનુ વજન 1500 કિલો જણાવવામાં આવ્યું છે અને તેનુ નામ ગોલૂ છે. લોકો ગોલૂની સાથે સેેલ્ફી ખેંચાવીને તેને હંમેશા યાદમાં રાખવા માંગે છે. મેરઠના સરદાર વલ્લભભાઈ પટેલ કૃષિ વિશ્વ વિદ્યાલયમાં ખેડૂત મેળો ભરાયો છે. આ મેળામાં હરિયાણાના પાનીપતમાંથી દસ કરોડની ભેંસ પણ મેરઠ પહોંચી ગઇ છે. આ ભેંસનુ નામ ગોલૂ છે. 

આ ભેંસની કિંમત દસ કરોડ સુધી પહોંચી ગઇ

ભેંસના માલિક નરેન્દ્ર સિંહ જણાવે છે કે આ ભેંસની કિંમત દસ કરોડ સુધી પહોંચી ગઇ છે. ભેંસના ખાનપાન અને સારસંભાળમાં દર મહિને લાખો રૂપિયાનો ખર્ચ આવે છે. આ ભેંસમાંથી થતી આવક પણ સારી છે. આ ભેંસ દરરોજ 25 લીટર દૂધ, 15 કિલો ફળ, 15 કિલો દાણા અને દસ કિલો મટર ખાય છે. આ ઉપરાંત લીલો ઘાસચારો પણ તેને આપવામાં આવે છે. દરરોજ સાંજના સમયે તેને છ કિમી ફરાવવામાં આવે છે. ગોલૂના શરીરની દરરોજ તેલથી માલિશ કરવામાં આવે છે. આ ભેંસના સ્પર્મ વેચીને ભેંસના માલિક દર મહિને લાખો રૂપિયાની કમાણી કરે છે. ભેંસના સ્પર્મની માંગ હરિયાણા સિવાય પંજાબ, ઉત્તર પ્રદેશ અને રાજસ્થાન સહિત ઘણા રાજ્યોમાં છે. 

મેરઠના કૃષિ મેળામાં સેલ્ફી લેવાની ભીડ 

મેળામાં દસ કરોડની ભેંસની સાથે સેલ્ફી લેવા માટે લોકોની લાઈન લાગી છે. આની પહેલા ખેડૂત મેળામાં હરિયાણાના કુરૂક્ષેત્ર જિલ્લાના કરમવીર સિંહની સવા નવ કરોડની ભેંસ ‘યુવરાજ’ પણ પહોંચી હતી. જેને સવા નવ કરોડમાં ખરીદવાની ઑફર આપવામાં આવી હતી.