દ્વારકાના ભોગાતમાં જૂની પરંપરા પ્રમાણે બળદગાડામાં જાન પહોંચતા આખુંય ગામ વરરાજા અને જાનને જોવા એકત્ર થયું.
Share
દ્વારકાના ભોગાતમાં જાન બળદગાડામાં પહોંચી
જાનમાં જૂના પહેરવેશ અને પૌરાણિક રીતરિવાજોનો સમન્વય
વરરાજો બળદગાડામાં સવાર થઇ લગ્નના માંડવે પહોંચ્યો
આજના આ આધુનિક યુગમાં હવે કોઇ પણ માતા-પિતા પોતાના પુત્રની જાન કાર દ્વારા અથવા તો ઘોડી દ્વારા અથવા તો કોઈ હેલિકોપ્ટરમાં કાં તો કોઈ લક્ઝરી બસમાં પોતાના પુત્રને પરણાવવા જઈ રહ્યાં છે. પરંતુ વર્ષો પહેલાંની જેમ શણગારેલા બળદગાડામાં આજે દ્વારકાના ભોગાતમાં જૂની પરંપરા પ્રમાણે બળદગાડામાં જાન પહોંચી હતી. વરરાજાએ બળદગાડામાં જાન જોડી હતી. જૂના પહેરવેશ અને પૌરાણિક રીતરિવાજો સાથે વરરાજા પરણવા પહોંચ્યા હતાં.
જુનવાણી પરંપરા પ્રમાણે બળદગાડામાં જાન પહોંચી
આજે તો સાદુ બળદગાડું પણ દેખાતું નથી, ત્યારે દ્વારકાના ભોગાતમાં આજથી 50 વર્ષ પહેલાંની પરંપરાને જાળવવા અને નવી પેઢીને આ લગ્નની પરંપરાને અવગત કરાવવા માટે જૂની પરંપરા પ્રમાણે બળદગાડામાં જાન પહોંચી હતી. તમે સૌ કોઇએ એવું સાંભળ્યું હશે કે, નાનપણમાં કોઇ પણના દાદાજી એવું કહેતા કે અમારા લગ્ન બળદગાડામાં થયા હતા. ત્યારે સૌ કોઇના મનમાં એવો પ્રશ્ન થાય કે આખરે આ બળદગાડામાં લગ્ન કેવી રીતે થતાં હશે? કેવી રીતે બળદગાડામાં જાન જતી હશે? ત્યારે એ જ દ્રશ્યો આજે ફરીથી દ્રારકાના ભોગાતમાં તાજા થયા છે.
ગાડામાં બેસીને જાનમાં જવું એ પણ એક અનોખો જ અનુભવ
સામાન્ય રીતે લગ્નમાં વિવિધ પ્રકારના વાહનો મારફતે આપણે લગ્નમાં કે પછી જાનમાં જતા હોઈએ છીએ. જો કે ગાડામાં બેસીને જાનમાં જવું એ પણ એક અનોખો જ અનુભવ છે. ખાસ કરીને અત્યારના સમયમાં અને નવી પેઢીને આ અનુભવ ખૂબ જ ગમતો હોય છે અને ક્યારેક નવી પેઢી પણ ગાડામાં બેસીને જાનમાં જવાની સલાહ આપતી હોય છે. પોતાની જાન બળદગાડામાં આવી રહી છે તેનું ગૌરવ અને આનંદ પરણિતાને પણ હોય છે. ત્યારે ખરેખ બળદગાડાની આ પરંપરા અને એ જાન જોવા જેવી અને માણવા જેવી હોય છે.
