ચકચારી ન્યૂઝ / કળિયુગનો વાયરો ! પરણેતર પહેલા ભાઈને લઈને ભાગી દુલ્હન, એવો લાગ શોધ્યો કે દુલ્હો હાથ ધસતો રહી ગયો

• બિહારના જમુઈમાં ચોંકાવનારી ઘટના
• ચાલુ લગ્ને દુલ્હન આશિક સાથે ભાગી
• દુલ્હા સહિતના બારાતીઓ નાચી રહ્યાં હતા
• મોં ધોવાને બહાને બહાર જઈને ભાગી ગઈ 

બિહારના જમુઈમાં એક દુલ્હને પોતાના ભાવિ વરરાજાને એવો આંચકો આપ્યો છે, જેમાંથી તે જીવનભર બહાર નહીં આવી શકે. વરરાજા ઢોલ-નગારા સાથે જાન લઈને કન્યાના ઘરે આવ્યો હતો. બારાતીઓ બરાબરના નાચી રહ્યાં હતા, વરરાજાના પોંખણા થઈ રહ્યાં હતા બરાબર ત્યારે દુલ્હને એવું કર્યું કે લગ્નની બધી મજા મારી ગઈ હતી અને હવે શું તેવો સવાલ લોકોનો મનમાં ઘોળાવા લાગ્યો હતો. 

મોઢું ધોવાનું બહાને આશિક સાથે ફરાર

લગ્ન દરમિયાન દુલ્હને મોઢું ધોવાનું બહાનું કાઢ્યું અને પ્રેમી સાથે ભાગી ગઈ. દુલ્હન તેના આશિક સાથે 2 વર્ષથી રિલેશનશિપમાં હતી. પરિવાર આ માટે તૈયાર નહોતો, પછી દુલ્હને લગ્નના દિવસે જ પ્રેમી સાથે ભાગી જવાનું મન બનાવી લીધું હતું.

સંબંધમાં ભાઈ હતો આશિક

દુલ્હન જે આશિક સાથે તેના લગ્નમાંથી ભાગી નીકળી હતી તે બીજું કોઈ નહી પરંતુ સંબંધમાં તેનો ભાઈ થતો હતો. દુલ્હનનો કાંડ જાણીને લોકો પણ મોંઢામાં આંગળા નાખી ગયા છે. દુલ્હાના પરિવારવાળાએ પોલીસ ફરિયાદ નોંધાવી છે. 

શું હતો મામલો

જમુઈની 23 વર્ષીય છોકરી તેના દૂરના એક ભાઈ સાથે રિલેશનશીપમાં હતી, તે તેની સાથે લગ્ન કરવા માગતી હતી પરંતું પરિવારને આ સંબંધ મંજૂર નહોતો અને તેમણે છોકરીના લગ્ન બીજે ઠેકાણે ગોઠવી દીધાં આથી તેમણે બન્નેએ પરિવારને આંચકો આપવાનો નિર્ણય લીધો અને લગ્નમાંથી ભાગી જવાનો નિર્ણય લીધો અને પ્લાન પ્રમાણે બન્ને દુલ્હાને ખો આપીને ભાગી છૂટ્યાં.