ગજબ / ભાઈબંધ સાથે જ થઈ ગયો પ્રેમ, સાડી પહેરીને કર્યો શૃંગાર... યુવકને વટ સાવિત્રીની પૂજા કરતાં જોઈ મહિલાઓ ચોંકી

• બિહારના બાંકા જિલ્લાનો અજીબ કિસ્સો
• પુરુષ મિત્ર માટે શ્રૃંગાર કરીને પહોંચ્યો યુવક
• યુવકે મહિલાઓની જેમ તૈયાર થઈને કરી પૂજા

19 મેના રોજ સમગ્ર દેશમાં વટ સાવિત્રી વ્રતની ઊજવણી કરવામાં આવે છે. આ દિવસે પરિણીત સ્ત્રીઓ પતિના દીર્ઘાયુ માટે વ્રત કરે છે અને વડની પૂજા કરે છે. બિહારના બાંકા જિલ્લામાંથી એક અજીબ કિસ્સો સામે આવ્યો છે. બંધુઆ કુરાવા પોલીસ સ્ટેશન વિસ્તારના મનિયાપુર ચોક પર એક યુવક પત્ની તરીકે તૈયાર થઈને વટ સાવિત્રીની પૂજા કરતા જોવા મળ્યો હતો. આ દરમિયાન વટની નીચે પૂજા કરી રહેલ મહિલાઓ હેરાન રહી ગઈ હતી. 

પુરુષ મિત્ર માટે શ્રૃંગાર કરીને પહોંચ્યો યુવક
પરિણીત સ્ત્રી તરીકે તૈયાર થઈને આવેલ યુવકનું નામ કપિલદેવ મંડલ છે. આ યુવકે શ્રૃંગાર કરીને તેના પુરુષ મિત્ર નિતેશ માટે વિધિ વિધાન સાથે પૂજા કરી હતી. તમામ લોકોએ આ ઘટના કેમેરામાં કેદ કરી લીધી હતી. 

યુવકનું નિવેદન
આ ઘટનાનો વિડીયો સોશિયલ મીડિયા પર વાયરલ થઈ રહ્યો છે. મહિલા બનીને આવેલ યુવકના 6 મહિના પહેલા એક યુવતી સાથે લગ્ન થઈ ગયા છે અને તેની પત્નીએ તેના માટે વટ સાવિત્રી વ્રત કર્યું છે. મહિલા બનીને આવેલ યુવકે જે યુવક માટે વ્રત કર્યું છે, તે યુવક અપરિણીત છે. યુવક જણાવે છે કે, તેણે પહેલી વાર આ વ્રત કર્યું છે અને તે તેના પુરુષ મિત્ર માટે આ વ્રત કરીને ફીલિંગ મહેસૂસ કરવા માંગતો હતો. 

ઝારખંડમાં પૂજાસ્થળ પર અફરાતફરી
ઝારખંડના ચતરા શહેરમાં પૂજાસ્થળ પર આગ લાગતા અફરાતફરી મચી ગઈ હતી. મહિલાઓ ગંદૌરી મંદિરમાં પૂજા કરવા માટે ગઈ હતી. કોઈ મહિલાની લાપરવાહીને કારણે આગરબત્તી સૂકા પાંદડા પર પડી હતી. ત્યારપછી આઘ ભડકી ઊઠી હતી અને ઝાડ આગની જ્વાળાઓમાં લપેટાઈ ગયું. તમને જણાવી દઈએ કે, આ ઘટનામાં કોઈ જાનહાનિ થઈ નથી.