Bluetooth tracker / તમારા ફોનમાં રહેલા બ્લૂટૂથથી પણ થઈ શકે છે જાસૂસી, આ કમાલના ફીચરને કરી દો ઓન, પછી નો-ટેન્શન

• બ્લુટુથ દ્વારા પણ ટ્રેકિંગ
• android 6.0 પ્લસ ઓપરેટિંગ સિસ્ટમ પર આધારિત એક રોલ આઉટ બનાવ્યું
• જાસુસીથી બચવા માટે અનિચ્છનીય ટ્રેકિંગને ઓળખી શકો છો

મોટાભાગે મોબાઈલ, સીસીટીવી સહિતના અન્ય ઉપકરણો દ્વારા જાસુસી થતી હોય તેવુ જાણવા મળતું હોય છે. પરંતુ બ્લુટુથ દ્વારા પણ ટ્રેકિંગ થઇ શકે છે. તો બીજી તરફ બ્લુટુથ દ્વારા જાસુસીની સામે રક્ષણ મેળવવા માટે google દ્વારા android 6.0 પ્લસ ઓપરેટિંગ સિસ્ટમ પર આધારિત એક રોલ આઉટ બનાવ્યું છે જેને પગલે તમે જાસુસીથી બચવા માટે અનિચ્છનીય ટ્રેકિંગને ઓળખી શકો છો.

નવી સિસ્ટમ શરૂ કરાય

Google દ્વારા આ નવી સિસ્ટમ શરૂ કરાય છે જે એન્ડ્રોઇડ 6.0 અને તેનાથી ઉપરના વર્ઝનમાં જ શક્ય બની શકશે. આ ફીચર ફોનને એ નક્કી કરવાની સુવિધા આપે છે. સ્માર્ટ ફોનમાં અજાણ્યું બ્લુટુથ ટ્રેકટર ઇન્સટોલ કરવામાં આવ્યું છે કે નહીં?  જે યુઝર્સની પ્રાઇવેસી અને સિક્યુરિટીને ધ્યાનમાં રાખીને વપરાશકર્તાને અજાણ્યા બ્લુટુથ ટ્રેકરને ઓળખી અને તેને બંધ કરવામાં મદદરૂપ થઈ શકે છે.જો તમારા ઉપકરણ પર કોઈ અજાણ્યો ટ્રેકર હોય અને જાસૂસી કરવાની ફિરાકમાં હોય તો અનનોન ટ્રેકર એલર્ટ ફીચર એન્ડ્રોઇડ યુઝર્સને આપમેળે માહિતી આપી દેશે.

યુઝર્સ મેપ મારફતે મોબાઈલ સહિતના ઉપકરણને જોઈ શકે છે
આ સુવિધા Apple AirTags સહિત ઘણા ટ્રેકર્સ સાથે વર્ક કરતી હોવાથી Google Find My Device નેટવર્ક સાથે જોડાયેલ પણ છે. વધુમાં એન્ડ્રોઇડ યુઝર્સ મેન્યુઅલી સ્કેન કરીને પણ ટ્રેકરની માહિતી મેળવી શકશે. જે માટે યુઝર્સે સેટિંગમાં જઈને સેફ્ટી એન્ડ ઈમરજન્સી ઓપ્શન પસંદ કરવાનું રહેશે. પરિણામે યુઝર્સ મેપ મારફતે મોબાઈલ સહિતના ઉપકરણને જોઈ શકે છે. જેમાં ઉપકરણો ક્યાં છે તે જાણી શકાય છે. આ સાથે ટ્રેકર દ્વારા અવાજ પણ વગાડી શકાય છે. ઉપકરણ શોધવા ઉપરાંત, આ સુવિધા વપરાશકર્તાઓને ટ્રેકરને શારીરિક રીતે અક્ષમ કરવાની મંજૂરી આપશે.

બ્લૂટૂથ ટ્રેકર શું છે?

બ્લૂટૂથ ટ્રેકર્સ એ જો તમે તમારી બેગ, અથવા વૉલેટ, અથવા ચાવીઓ ખોટી જગ્યાએ મૂકો છો, તો તમે તમારા ફોન અથવા અન્ય ઉપકરણ પર બ્લૂટૂથ ટ્રેકરનું સ્થાન ટ્રૅક કરી શકો છો, જેથી કરીને તમે તમારી આઇટમ્સને ઝડપથી શોધી શકો.