લોકસભા ચૂંટણી 2024 / ખોટા પડ્યાં ઉદ્ધવ ઠાકરે ! નીતિન ગડકરીને નાગપુરથી મળી ટિકિટ, પિયુષ ગોયલ પહેલી વાર મેદાનમાં

કેન્દ્રીય મંત્રી નીતિન ગડકરીને પોતાની બાજુ વાળવા માટે બે ઓફર આપનાર શિવસેના (યુબીટી) પ્રેસિડન્ટ ઉદ્ધવ ઠાકરનો પ્લાન ફેલ ગયો છે. હકીકતમાં ભાજપની પહેલી યાદીમાં નીતિન ગડકરીનું નામ નહોતું તેથી ઉદ્ધવ ઠાકરેને એવું લાગ્યું કે નીતિન ગડકરીને રાજનીતિમાં સન્માનપૂર્વ વિદાય કરવામાં આવશે પરંતુ તેમની ધારણા ખોટી પડી અને ભાજપે આજે જાહેર કરેલી બીજી યાદીમાં નીતિન ગડકરીને તેમની જુની બેઠક નાગપુરથી ટિકિટ આપવામાં આવી છે. 

BJP releases its second list of candidates for the upcoming Lok Sabha elections pic.twitter.com/bpTvxfMkDr

— ANI (@ANI) March 13, 2024

પહેલી યાદીમાં ગડકરીનું નામ નહોતું 
ભાજપની પહેલી યાદીમાં નીતિન ગડકરીનું નામ નથી પરંતુ હવે બીજી યાદીમાં તેમનું નામ સામેલ છે. પહેલી યાદીમાં નામની ગેરહાજરી બાદ રાજનીતિમાં ચર્ચા ઉપડી હતી કે નીતિન ગડકરીને પણ ફરજિયાત વિદાય આપવામાં આવી શકે છે પરંતુ હવે આ ચર્ચા પર પૂર્ણવિરામ લાગ્યું છે. 

Second list of BJP candidates for ensuing General Elections 2024 to the Parliamentary Constituencies of different states finalised by BJP CEC. @BJP4India pic.twitter.com/xn9XVQGVm0

— BJP Central Media (@BJPCentralMedia) March 13, 2024

પિયુષ ગોયલ પહેલી વાર લડશે લોકસભા ચૂંટણી
અત્યાર સુધી રાજ્યસભામાં ચૂંટાઈ રહેલા કેન્દ્રીય મંત્રી પિયુષ ગોયલ પહેલી વાર લોકસભા ચૂંટણી લડી રહ્યાં છે. ભાજપે તેમને મુંબઈ નોર્થની ઉમેદવાર બનાવ્યાં છે. 

અનુરાગ ઠાકુર રિપિટ
બીજી યાદીમા કેન્દ્રીય મંત્રી અનુરાગ ઠાકુરનું નામ પણ છે. તેમને હિમાચલની હમીરપુર બેઠક પરથી રિપિટ કરાયાં છે. 

મનોહરલાલ ખટ્ટર કર્નાલથી મેદાનમાં 
બે દિવસ હરિયાણાના સીએમ અને કર્નાલના ધારાસભ્યપદેથી રાજીનામું આપનાર મનોહરલાલ ખટ્ટરને કર્નાલથી ટિકિટ મળી છે. 

10 રાજ્યોના 72 ઉમેદવારો
ભાજપ બીજી યાદીમાં 10 રાજ્યોને આવરી લીધાં છે જેમાં 72 ઉમેદવારો સામેલ છે.