નિવેદન / હાર્દિક પટેલે હિન્દુવાદી પાર્ટીમાં આવવું જોઈએ: વિરમગામમાં સ્વામીનારાયણ સંતનું મોટું નિવેદન

• હાર્દિકના પિતાની પુણ્યતિથિના કાર્યક્રમમાં નૌતમ સ્વામીનું મોટું નિવેદન
• હાર્દિક પટેલે હિંદુવાદી પાર્ટીમાં જોડાવું જોઈએ-નૌતમ સ્વામી
• દેશમાં એક હિંદુવાદી પાર્ટી ભાજપ છે- નૌતમ સ્વામી

હાર્દિક પટેલે હિંદુવાદી પાર્ટીમાં જોડાવું જોઈએ-નૌતમ સ્વામી

આજે અમદાવાદના વિરમગામમાં હાર્દિક પટેલના પિતાની પુણ્યતિથિના કાર્યક્રમમાં કોંગ્રેસ નેતાઓ સહિત અનેક સંતો મહંતો પધાર્યા હતા.આ પ્રસંગે વડતાલ સ્વામિનારાયણ ધામના સંત નૌતમ સ્વામીના નિવેદને રાજકારણમાં ગરમાવો લાવી દીધો હતો.નૌતમ સ્વામીએ જણાવ્યું હતું કે, હાર્દિક પટેલે હિંદુવાદી પાર્ટી જોડાવું જોઈએ. દેશમાં ભાજપ જ એક હિંદુવાદી પાર્ટી છે. અમને વિશ્વાસ છે કે, હાર્દિક જલ્દી જ આ નિર્ણય લઈ શકે છે.

મે પહેલા પણ કહ્યું હતું કે, રઘુવંશ કુળનો લવકુશનો સંતાન છું.- હાર્દિક પટેલ 

બીજી તરફ નૌતમ સ્વામીના નિવેદન પર શું કહ્યું હાર્દિક પટેલે પોતાનું નિવેદન આપતાં જણાવ્યું હતું કે, નૌતમ સ્વામી આ તમામ વાતો લાગણી વશ કહી હતી. હાર્દિક પટેલે જણાવ્યું હતું કે, આજે અહીંયા ભગવાન રામની મૂર્તિનું સ્થાપના કરાઈ છે કે, મે પહેલા પણ કહ્યું હતું કે, રઘુવંશ કુળનો લવ-કુશનો સંતાન છું. મારાથી મોટો કોઈ હિન્દુવાદી ન હોય અને મારે એ બાબતની સાબિત કરવાની જરૂર નથી. અમે વર્ષોથી ભગવાન રામ ધુન હોય હનુમાનજીની ધુન હોય કે પછી સુંદરકાંડના પાઠ હોય અમે સતત ધાર્મિક પ્રકિયા સાથે અમારો પરિવાર અમારો સમાજ હિન્દુ સંસ્કૃતિ સાથે જોડાયેલો છે.