BIG NEWS / EDની મોટી કાર્યવાહી: અત્યાર સુધીની સૌથી મોટી ડિજિટલ કાર્યવાહી, 370 કરોડની સંપત્તિ જપ્ત

• ઈડીની સૌથી મોટી કાર્યવાહી
• ઈડીએ અત્યાર સુધીની મોટી ડિજિટલ સંપત્તિ જપ્ત કરી
• ક્રિપ્ટો એક્સચેન્જ વોલ્ડની 370 કરોડની સંપત્તિ ટાંચમાં લીધી

એન્ફોર્સમેન્ટ ડિરેક્ટોરેટ (ED)એ ક્રિપ્યોકરન્સી એક્સચેન્જને લઈને મોટી કાર્યવાહી કરી છે. જાણકારી અનુસાર, એન્ફોર્સમેન્ટ ડિરેક્ટોરેટે ગુરૂવારે ક્રિપ્ટોકરન્સી એક્સચેન્જ વોર્થની 370 કરોડ રૂપિયાની સંપત્તિ ટાંચમાં લીધી છે. આ અત્યાર સુધીની સૌથી મોટી ડિજિટલ સંપત્તિ છે. આ નાણાકીય તપાસ એજન્સી દ્વારા મની લોન્ડ્રીંગ તપાસના સિલસિલામાં સંપત્તિને સીલ કર્યાના થોડા દિવસો બાદ આવી છે. 

આ તમામની વચ્ચે વૈશ્વિક ક્રિપ્ટો એક્સચેન્જ બિનેંસમાં સોમવારે કહ્યું કે, તે વઝીરેક્સની સાથે ઓફ ચેન ફંડ ટ્રાંસફરને બંધી કરી રહ્યું છે. જે અજાણ્યા વોલેટમાં 2790 કરોડ રૂપિયાની ક્રિપ્ટો સંપત્તિને બહારી પ્રેષણ માટે તપાસનો સામનો કરી રહ્યા છે. ઈડીએ કેટલીય ભારતીય બિન બેંન્કીંગ નાણાકીય કંપનિઓ અને તેની ફિનટેક ભાગીદારો વિરુદ્ધ આરબીઆઈના દિશા નિર્દેશોનું ઉલ્લંધનમાં અને અપમાનજનક ભાષાનો ઉપયોગ કરનારા ટેલી કોલર્સનો ઉપયોગ માટે એક મની લોન્ડ્રીંગ તપાસ કરી રહ્યું છે. લોન લેનારાઓ પાસેથી ઊંચા વ્યાજદર વસૂલે છે. 

તપાસ એજન્સીનું કહેવું છે કે, ચીની કંપનીઓનું ઘણી ફિનટેક કંપનીઓમાં રોકાણ છે અને તેઓ આરબીઆઈ પાસેથી એનબીએફસીનું લાઇસન્સ મેળવી શક્યા નથી. આવી સ્થિતિમાં, તેમણે દેવાનો વ્યવસાય કરવા માટે એમઓયુનો માર્ગ અપનાવ્યો અને બંધ NBFC કંપનીઓ સાથે કરાર કર્યા, જેથી તેઓ તેમના લાઇસન્સ પર કામ કરી શકે.

ફિનટેક કંપનીઓએ હેરાફેરી કરી

જ્યારે આ મામલાની તપાસ શરૂ થઈ, ત્યારે આમાંથી ઘણી ફિનટેક કંપનીઓએ તેમની દુકાનો બંધ કરી દીધી હતી અને તેઓએ કરેલા મોટા નફાને લોન્ડરિંગ કર્યું હતું. તપાસમાં એવું પણ જાણવા મળ્યું કે ફિનટેક કંપનીઓએ આ પૈસાથી મોટા પાયે ક્રિપ્ટો કરન્સી ખરીદી અને પછી આ પૈસા વિદેશમાં મોકલ્યા. EDનું કહેવું છે કે હાલ આ કંપનીઓ અને વર્ચ્યુઅલ એસેટ્સનો કોઈ સંકેત મળી રહ્યો નથી.