Bone health / શરીરના હાડકા નબળા પડી ગયા? તો આજથી જ તમારી આ 3 આદતોમાં લાવો સુધારો, નહીં તો લેવાઈ જશો

• હાડકાંને નબળા કરતી ત્રણ આદતોમાંથી પહેલી કેલ્શિયમ અને વિટામિન ડીની ઉણપ છે
• હાડકાંનું લચીલાપણુ અને મજબૂતી માટે નિયમિત શારીરિક પ્રવૃત્તિ જરૂરી છે
• દરરોજ થોડો સમય સૂર્યના સંપર્કમાં આવે જેથી શરીરને વિટામિન ડી મળી શકે

Reason For Weak Bones:શરીર ત્યારે જ સ્વસ્થ રહી શકે છે જ્યારે તમામ અંગો યોગ્ય રીતે કામ કરતા હોય. શરીરના બંધારણની વાત કરીએ તો હાડકાંની મજબૂતી ખૂબ જ મહત્વપૂર્ણ માનવામાં આવે છે. પરંતુ નવા યુગમાં ખોટી ખાનપાન અને ખરાબ લાઇફસ્ટાઇલના કારણે ઉંમર પહેલા હાડકાં નબળાં થઈ રહ્યાં છે. જ્યારે હાડકાં નબળા હોય છે ત્યારે ગાંઠો એટલે કે આર્થરાઈટિસ અને બીજા અનેક પ્રકારના રોગો થાય છે. ઉંમર પહેલા હાડકાં નબળા પડવા અથવા સાંધામાં દુખાવો વાસ્તવમાં શરીરમાં કેલ્શિયમ અને વિટામિન ડીની ઉણપને કારણે છે. આવો જાણીએ આપણા હાડકાંને મજબૂત રાખવા માટે કઈ ત્રણ આદતોથી બચવું જોઈએ.

હાડકાને નબળા બનાવતી 3 ખરાબ આદતોઃ  
કેલ્શિયમ અને વિટામીન ડી રિચ ડાયટની ઉણપ
હાડકાંને નબળા કરતી ત્રણ આદતોમાંથી પહેલી કેલ્શિયમ અને વિટામિન ડીની ઉણપ છે. આજકાલ બાળકો અને વડીલો જંક ફૂડ ખાઈને હાડકાં નબળાં કરી રહ્યાં છે. બાળકો દૂધ પીવામાં આનાકાની કરતા હોય છે જ્યારે દૂધ શરીર માટે જરૂરી કેલ્શિયમ પૂરું પાડે છે. તેના બદલે આજકાલ લોકો જંક ફૂડ અને કાર્બોનેટેડ ડ્રિંક્સ તરફ જઈ રહ્યા છે. આવી સ્થિતિમાં, આપણા ડાયટમાં કેલ્શિયમ અને વિટામિન ડીની ઉણપને પૂરી કરવી જરૂરી છે.

નો ફિઝિકલ એક્ટિવિટી
કામના પ્રેશરને કારણે જો તમે પણ લાંબા સમય સુધી ખુરશી પર બેસો છો અથવા નિયમિત રીતે કસરત નથી કરી શકતા તો આ આદત તમારા હાડકાંને નુકસાન પહોંચાડી શકે છે. હાડકાંનું લચીલાપણુ અને મજબૂતી માટે નિયમિત શારીરિક પ્રવૃત્તિ જરૂરી છે. આ માટે તમારે જોગિંગ, સ્કિપિંગ કરવું જોઈએ. જો તમે દરરોજ અડધો કલાક ચાલશો તો પણ તમારા હાડકા મજબૂત રહેશે.

સૂર્ય પ્રકાશના સંપર્કમાં ના આવવુ
ઘણીવાર લોકો તડકાને ટાળે છે, પરંતુ જો જોવામાં આવે તો હાડકાંની મજબૂતી માટે થોડો સમય સૂર્યના સંપર્કમાં રહેવું જરૂરી છે. તેનાથી આપણા હાડકાંને જરૂરી વિટામિન ડી મળે છે. પરંતુ ઘણીવાર લોકો વાહનોમાં ફરે છે અને સ્કિન કાળી થવાના ડરથી તડકામાં બહાર જતા નથી. આ આદતથી આપણા હાડકાં નબળા પડી જાય છે. એટલા માટે એ જરૂરી છે કે દરરોજ થોડો સમય સૂર્યના સંપર્કમાં આવે જેથી શરીરને વિટામિન ડી મળી શકે.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.