- વર્ષે 58 લાખ રુપિયા કમાતા બેંગ્લુરુના 24 વર્ષીય યુવાનની અજીબ ફરિયાદ
- કહ્યું- આટલા બધા કમાવ છું છતાંય એકલતા કોરી ખાય છે
- નથી કોઈ ગર્લફ્રેન્ડ, મારા બધા મિત્રો આનંદ કરી રહ્યાં છે
ધોમ રુપિયા હોય તો પણ માણસ સુખ-શાંતિથી નથી રહી શકતો તેનું ઉદાહરણ બેંગ્લુરુના 24 વર્ષીય યુવાને પુરુ પાડ્યું છે. બેંગ્લુરુનો આ 24 વર્ષીય યુવાન વર્ષે 58 લાખ રુપિયા કમાય છે અને છતાંય તેને એકલતાં કોરી ખાય છે. બેંગ્લુરુના 24 વર્ષીય સોફ્ટવેર એન્જિનિયર પોતાની જીવનની કહાની વર્ણવી છે.
મારા બધા મિત્રો પાસે ગર્લફ્રેન્ડ, મારી પાસે નથી- યુવાન
આ યુવાનની લખેલી પોતાની ગાથા સોશિયલ મીડિયામાં વાયરલ થઈ છે. તેણે લખ્યું કે હું વર્ષે 58 લાખ રુપિયા કમાવ છું અને છતાંય મને એકલતા કોરી ખાય છે. મારા બધા મિત્રો પાસે ગર્લફ્રેન્ડ છે પરંતુ મારી પાસે નથી.
આવી રીતે વર્ણવી પોતાની ગાથા
હું 24 વર્ષનો સોફ્ટવેર એન્જિનિયર છું અને ખૂબ મોટી કંપનીમાં કામ કરું છું. મારો કુલ અનુભવ 2.9 વર્ષનો છે. મારો પગાર વાર્ષિક 58 લાખ રૂપિયા છે. હું સારી કમાણી કરી રહ્યો છું અને કાર્ય જીવન પણ ખૂબ જ આરામદાયક છે. આ હોવા છતાં, હું હંમેશાં જીવનમાં એકલતા અનુભવું છું. મારી પાસે એવી કોઈ ગર્લફ્રેન્ડ નથી કે જેની સાથે હું સમય પસાર કરી શકું અને મારા મિત્રો તેમના જીવનમાં વ્યસ્ત હોય. મારી કાર્ય જીવન પણ એકદમ કંટાળાજનક બની ગયું છે કારણ કે, હું મારી કારકિર્દીની શરૂઆતથી જ આ જ કંપનીમાં કામ કરી રહ્યો છું. હું રોજ આવું જ કરું છું, અને હવે પરિસ્થિતિ એવી આવી પહોંચી છે કે, હું મારી કારકિર્દીમાં નવા પડકારો ઝીલવા માગતો નથી. કૃપા કરીને મને કહો કે મારા જીવનને વધુ મનોરંજક બનાવવા માટે હું શું કરી શકું છું. તેણે લખ્યું કે એવું ન કહેતા કે જિમમાં જાઓ કારણ કે હું તે પહેલેથી જ કરી રહ્ોય છું.
યુવાનની પોસ્ટ જોઈને લોકો પણ મૂંઝાયા
આ યુવાનની પોસ્ટ વાયરલ થયાં બાદ સોશિયલ મીડિયા યુઝર્સ પણ મૂંઝવણમાં મૂકાઇ ગયા હતા. તેનું કારણ એ છે કે જે વ્યક્તિ વર્ષે 58 લાખ રૂપિયા એટલે કે મહિને લગભગ 5 લાખ રૂપિયા કમાતો હોય તો તે દરેક સુખ-સુવિધા પ્રાપ્ત કરી શકે છે, પરંતુ તેમ છતાં તે ખુશ રહી શકતો નથી. એકે કહ્યું કે ગર્લફ્રેન્ડ બનાવવી સમસ્યાનો ઉકેલ નથી, તેણે સીધા લગ્ન કરી લેવા જોઈએ. સાથે જ એકે કહ્યું કે 24 વર્ષની ઉંમરે 58 લાખ રૂપિયા! એટલે કે દરેક વ્યક્તિને પોતાની સમસ્યાઓ હોય છે. ઘણા લોકો તેને સહાનુભૂતિ બતાવી રહ્યા છે. આ પોસ્ટને હજારો લાઇક્સ મળી છે.
