અમદાવાદ / IND vs AUS: વર્લ્ડકપ ફાઇનલ પહેલાં બંને ટીમો સાબરમતી રિવર ક્રૂઝ પર માણશે ખમણ-ઢોકળાની મજા, અટલ ફૂટ બ્રિજની પણ લેશે મુલાકાત

• ફાઇનલ પહેલાં બંને ટીમો સાબરમતી રિવર ક્રૂઝ પર જશે
• રિવર ક્રૂઝ પર માણશે ગુજરાતી નાસ્તાની મજા
• અટલ ઓવર બ્રિજની પણ મુલાકાત લેશે

World Cup 2023: વર્લ્ડ કપ 2023ની ફાઇનલ મેચ જોવા માટે ચાહકો થનગની રહ્યાં છે. આ ફાઇનલ મેચમાં ભારત અને ઓસ્ટ્રેલિયાની ટીમ સામસામે ટકરાવાની છે. ત્યારે ગઈકાલે અમદાવાદ ખાતે ભારતીય ટીમનું આગમન થઈ ગયું છે અને  ઓસ્ટ્રેલિયાની ટીમ પણ આજ સાંજ સુધીમાં આવી જશે. ત્યારે ખાસ વાત એ છે કે, બંન્ને ટીમો અમદાવાદના સાબરમતી રિવર ક્રૂઝ પર ડિનર કરશે. સાથો સાથ સાબરમતી રિવર ક્રૂઝ પર આવેલા અટલ ઓવર બ્રિજની પણ મુલાકાત લેશે. 

ખમણ અને ઢોકળાંનો નાસ્તો કરશે 
ટીમ ઇન્ડિયા ફાઇનલમાં પહોંચી ત્યારથી ભારતીય ક્રિકેટ ચાહકો ફાઈનલ મેચ જોવા માટે આતુરતાથી રાહ જોઈ રહ્યા છે. ખાસ વાત છે કે, આ બંન્ને ટીમો ડિનર માટે સાબરમતી રિવર ક્રૂઝ ખાતે આવી રહી છે ત્યારે ચાંપતો બંદોબસ્ત પણ ગોઠવવામા આવી રહ્યો છે. તેમજ ખાસ વાત છે કે, અહી બંન્ને ટીમના ખેલાડી ગુજરાતી નાસ્તો કરશે. જે નાસ્તામાં ખમણ અને ઢોકળાં હશે જે ખાઈ મોજ માણશે

સુરક્ષાથી લઈ તમામ વ્યવસ્થા
આ તમામ બાબતને લઈ રિવરફ્રન્ટ કોર્પોરેશને પણ પત્ર લખી જાણ કરાઈ છે. અધિકારીઓના જણાવ્યા મુજબ હાલ સુરક્ષાથી લઈ તમામ વ્યવસ્થા કરવામાં આવી રહી છે. અત્રે જણાવીએ કે, આ વખતે અમદાવાદના આગંણે ફાઈનલનો મહા મુકાબલો થવા જઈ રહ્યો છે ત્યારે અમદાવાદીઓમાં પણ અનેરો ઉત્સાહ જોવા મળી રહ્યો છે.