વિવાદ / જૂનાગઢમાં ઉપરકોટના કિલ્લા પર મુસ્લિમોએ નમાજ પઢતા સંતોમાં રોષ, આવતીકાલે હનુમાન ચાલીસા કરશે બજરંગ દળ

• જૂનાગઢ ઉપરકોટમાં જાહેરમાં નમાજ અદા કરતો ફોટો વાયરલ થતા વિવાદ 
• જાહેરમાં નમાજ અદા કરી સમાજમાં અશાંતિ ફેલાવવા પ્રયાસ: શેરનાથબાપુ
• બજરંગદળ દ્વારા હનુમાન ચાલીસાનો પાઠ કરવાનું એલાન

જૂનાગઢ ઉપરકોટમાં કેટલાક લોકોએ જાહેરમાં નમાજ અદા કર્યા બાદ હવે વિવાદ ઊભો થઈ છે. જાહેરમાં લોકોએ નમાજ અદા કરતો ફોટો વાયરલ થયા બાદ હવે બજરંગદળ દ્વારા હનુમાન ચાલીસાનો પાઠ કરવાનું એલાન કરવામાં આવ્યું છે. આ તરફ હવે જૂનાગઢ ઉપરકોટમાં નમાજ પઢતો વીડિયો વાયરલ મામલે શેરનાથબાપુની પ્રતિક્રિયા સામે આવી છે. શેરનાથ બાપુ કહ્યું કે, જાહેરમાં નમાજ પઢી સમાજમાં અશાંતિ ફેલાવવાનો પ્રયાસ થઈ રહ્યો છે. 

શું છે સમગ્ર વિવાદ ? 
જૂનાગઢ ઉપરકોટમાં જાહેરમાં નમાજ અદા કરતો ફોટો વાયરલ થતા વિવાદ થયો છે. મહત્વનું છે કે, રવિવારે કેટલાક લોકોએ ઉપરકોટ કિલ્લામાં નમાજ અદા કરી હતી. જે બાદમાં ઉપરકોટ કિલ્લાના મનેજર દ્વારા ઘટનાને લઈને પોલીસને જાણ કરાઇ હતી. જોકે પોલીસને જાણ કર્યા છતાં હજુ સુધી ફરિયાદ નથી નોંધાઈ. આ તરફ હવે આ વિવાદ વધુ વકરી રહ્યો છે. 

બજરંગદળ દ્વારા હનુમાન ચાલીસાનો પાઠ કરાશે 
ઉપરકોટ કિલ્લામાં અડી કડીની વાવ પાસેની લોનમાં નમાજનો વિડીયો સામે આવ્યા બાદ હવે બજરંગદળ મેદાનમાં આવ્યું છે. જેને લઈ હવે બજરંગદળ દ્વારા હનુમાન ચાલીસાનો પાઠ કરાશે. આવતીકાલે સાંજે ઉપરકોટના કિલ્લામાં બજરંગદળ દ્વારા પાઠ કરાશે. બજરંગદળ ગુજરાત પ્રદેશ સંયોજકે કહ્યું છે કે, સરકાર આ બાબતની ગંભીરતાથી નોંધ લે અને જવાબદાર લોકો સામે કાર્યવાહી કરવામાં આવે. 

બજરંગદળ દ્વારા હનુમાન ચાલીસાનો પાઠ કરાશે 
જૂનાગઢ ઉપરકોટમાં નમાજ પઢતો વીડિયો વાયરલ મામલે હવે શેરનાથબાપુની પ્રતિક્રિયા સામે આવી છે. શેરનાથ બાપુએ કહ્યું કે, જાહેરમાં નમાજ પઢી સમાજમાં અશાંતિ ફેલાવવાનો પ્રયાસ થઈ રહ્યો છે. તેમણે કહ્યું કે, છાશવારે આવા છમકલાં કરવામાં આવે છે અને આ રીતે વારંવાર છમકલા કરી ઉશ્કેરવામાં આવી રહ્યા છે. સનાતન ધર્મ શાંતિ પ્રિય ધર્મ છે પરંતુ શાંતિને ડહોળવાનો પ્રયાસ થઈ રહ્યો છે. શેરનાથ બાપુએ જવાબદાર અધિકારીઓ દ્વારા યોગ્ય પગલાં લેવા માંગ કરી છે.