તમારા કામનું / ફોન-રિમોટ પર હોય છે ટોયલેટ સીટ કરતાં પણ વધારે બેક્ટેરિયા-કીટાણુ, આ રીતે રાખો સફાઇ, નહીંતર પસ્તાશો

• જમતી વખતે મોબાઈલ અથવા ટીવી ચલાવો છો?
• શું તમે હાથ ધોયા વગર ખાઈ લો છો?
• તો ધ્યાન રાખજો નહીંતર પડશો બિમાર

મોબાઈલ કેવીરીતે કરી શકે બિમાર?

સીબીટી નગેટ્સની રિપોર્ટ મુજબ, કીબોર્ડ, માઉસ, મોબાઈલ પર ટૉયલેટ સીટથી પણ વધુ બેકટેરિયા હોય છે. તેથી આ નાની-નાની આદતો તમને બિમાર બનાવી શકે છે. ઘણા લોકો જે હાથથી ટૉયલેટ સીટ અને ટૉયલેટ પેપર ટચ કરે છે, એ જ હાથથી મોબાઈલને અડે છે, જેથી બધા જીવાણુઓ ફોન પર આવી જાય છે. ત્યારબાદ મોબાઈલ લઇને બેડરૂમ, કિચન અથવા ડાયનિંગ રૂમ જ્યાં પણ જાય છે, મોબાઈલ દ્વારા બેકટેરિયા તમારો બેડ અને ખાવાના ડેસ્ક સુધી પહોંચી જાય છે. જેનાથી ડાયેરિયા, આંતરડાના રોડ, યુટીઆઈ અને પાચન સાથે જોડાયેલી પરેશાની થઇ શકે છે. આંતરડાના રોગ પાચન તંત્ર સાથે જોડાયેલી બિમારી છે. જેમાં પેટના અંદરના ભાગ અને આંતરડામાં સોઝો આવે છે. 

ટીવી રિમોટ ટૉયલેટ સીટથી 20 ગણી વધારે ખરાબ 

જમવાનુ જમતી વખતે તમે વિચાર્યા વગર ટીવી રિમોટ ઉપાડીને ચેનલ બદલો છો? આ આદત મોટાભાગના ઘરમાં હોય છે. રિસર્ચ મુજબ ટીવી રિમોટ પર બેકટેરિયા, યીસ્ટ અને મોલ્ડ હોય છે અને આ તમને બિમાર બનાવી શકે છે.

કીબોર્ડ, મોબાઈલ, માઉસ અને ટીવી રિમોટને જંતુમુક્ત કેવીરીતે કરશો?

કીબોર્ડ, મોબાઈલ, માાઉસ અને ટીવી રિમોટ પર જામેલા બેકટેરિયા સાફ કરવા માટે ડિસઈન્ફેક્ટેન્ટ સ્પ્રે કરો અને તેને ડ્રાય ટિશ્યુથી સાફ કરો. આ ઉપરાંત આ ચીજ વસ્તુઓનો ઉપયોગ કર્યા બાદ હાથ સારી રીતે ધોવો. કારણકે ભોજન દ્વારા બેકટેરિયા તમારા પેટમાં ના જાય. 

હાથ ધોવાની સાચી રીત 

હાથ ધોવા માટે સાબુ અને પાણીનો ઉપયોગ કરો. પરંતુ હંમેશા પોતાના હાથને પહેલા પાણીથી સારી રીતે ધોઈ નાખો. પોતાના હાથ પર લિક્વિડ, બાર અથવા પાઉડર સોપ લઇને ઓછામાં ઓછા 20 સેકન્ડ માટે સારી રીતે ઘસો. હાથના કાંડા પોતાની આંગળીઓની વચ્ચે અને નખની નીચે સ્ક્રબ કરવાનુ ના ભૂલતા. પછી હાથને સારી રીતે પાણીમાં ધોઈ નાખો. ત્યારબાદ એક સ્વચ્છ ટુવાલથી હાથને સારીરીતે લુઈ નાખો.