- સ્ટેટ જીએસટીએ ઓટો પાર્ટ અને એસેસરીઝનાં વિક્રેતાઓ સાગમટે દરોડા
- ઓટો પાર્ટ અને એસેસરીઝની 46 વિક્રેતાઓના 72 સ્થળો પર દરોડા
- સ્ટેટ GST વિભાગે વેપારીઓની 6 કરોડની કરચોરી ઝડપી પાડી
ગુજરાત રાજ્ય સ્ટેટ જીએસટી દ્વારા રાજ્યમાં ઓટો પાર્ટ અને એસેસરીઝનાં વિક્રેતાઓને ત્યાં તપાસ હાથ ધરી છે. ત્યારે રાજ્યમાં ઓટો પાર્ટ અને એસેસરીઝનાં 46 વિક્રેતાઓનાં 72 સ્થળો પર સાગમટે દરોડા પાડ્યા હતા. ત્યારે જીએસટી વિભાગ દ્વારા હાથ ધરવામાં આવેલ સર્ચ ઓપરેશનમાં 6 કરોડથી પણ વધુની કરચોરી ઝડપી પાડી છે. વિક્રેતાઓ પાસેથી 1.5 કરોડની સ્થળ પર જ વસુવાત કરી છે. જે વિક્રેતાઓ દ્વારા ચોપડા પર દર્શાવાયેલા સ્ટોક અને હાજર સ્ટોકમાં ફેરફાર સામે આવ્યો હતો. સ્ટેટ જીએસટી વિભાગ દ્વારા અમદાવાદનાં 35, રાજકોટ 13, સુરત અને વડોદરામાં 12-12 સ્થળો પર દરોડા પાડ્યા હતા.
ગ્રાહકોને કાચુ બિલ આપી વેપારીઓ કરતા ટેક્સની ચોરી
નવરાત્રિ તેમજ દશેરાનાં દિવસે સમગ્ર રાજ્યમાં વાહનોનું ધૂમ વેચાણ થાય છે. ત્યારે વાહનોની સાથે સાથે એસેસરીઝનું પણ વેચાણ થતું હોય છે. કેટલાક ઓટો પાર્ટ તેમજ એસેસરીઝનાં વેપારીઓએ યુ-વ્હીલર તેમજ ફોર વ્હીલર વાહનોની એસેસરીઝ પર 18 ટકા જીએસટી સરકાર દ્વારા નક્કી કરાયો છે. ત્યારે વેપારીઓ દ્વારા ગ્રાહકોને પાકા બિલનાં બદલે કાચુ બિલ આપી જીએસટીની ખુલ્લેઆમ ચોરી કરવામાં આવતી હોય છે. તેમજ કાચા બિલ મારફતે જ એસેસરીઝનું વેચાણ કરવામાં આવતું હોય છે. કાચું બિલ વેપારીઓને આપી વેપારીઓ દ્વારા જીએસટીની ચોરી કરવામાં આવતી હોવાની માહિતી જીએસટી વિભાગનાં અધિકારીઓનાં ધ્યાને આવતા સ્ટેટ જીએસટી દ્વારા આવા વેપારીઓનું લિસ્ટ તૈયારી કરી સાગમટે દરોડા પાડવામાં આવ્યા છે.
સ્ટેટ જીએસટી દ્વારા સમગ્ર રાજ્યમાં 72 જગ્યાએ સાગમટે દરોડા પાડ્યા
સ્ટેટ જીએસટી દ્વારા આ તમામ વેપારીઓનાં ખરીદી તેમજ વેચાણનાં આંકડામાં તફાવત માલુ પડ્યો હતો. ત્યારે જીએસટી વિભાગ દ્વારા વેપારીઓની છેલ્લા એક મહિનાથી તમામ વિગતોની ઝીણવટભરી નજર રાખરવામાં આવી રહી હતી. જે બાદ મોટા પાયે વેપારીઓ દ્વારા ચોરી કરવામાં આવી રહી હોવાનું જણાતા સ્ટેટ જીએસટી વિભાગ દ્વારા ટીમો બનાવી સમગ્ર રાજ્યમાં એસેસરીઝ તેમજ ઓટો પાર્ટનાં 72 વેપારીઓને ત્યાં દરોડા પાડી મોટા પ્રમાણમાં કરચોરી ઝડપી પાડી હતી.
