કબૂલનામું / સત્ય આવ્યું સામે! જેલમાં બેસીને જ અતિકે ઉમેશનાં મર્ડરનું રચ્યું હતું કાવત્તરું, જણાવ્યું કેવી રીતે ઘડ્યો હતો હત્યાનો પ્લાન

• ઉમેશપાલ હત્યાકાંડમાં અતીકની રિમાન્ડ કોપી આવી સામે
• જેલમાં બેસીને ઉમેશની હત્યાનું રચ્યું હતું કાવતરું
• પોલીસકર્મીઓના મર્ડર અંગે પણ ગુનો સ્વીકાર્યો

ઉમેશપાલ હત્યાકાંડમાં પુત્ર અસદ અને શૂટર ગુલામનાં એન્કાઉન્ટર બાદ માફિયા અતીક અહમદએ પોતાનો ગુનો કબૂલ્યો છે. રિમાન્ડની કોપી અનુસાર આરોપી અતીક અહમદે 12 એપ્રિલ 2023નાં પોલીસને પોતાનું નિવેદન આપ્યું કે મેં ઉમેશપાલ હત્યાકાંડની સમગ્ર પ્લાનિંગ જેલમાં બેસીને રચી હતી.

મોબાઈલ ફોન-સિમ પહોંચાડ્યા જેલમાં
રિમાન્ડની કોપ અનુસાર અતીકે પત્ની શાઈસ્તાથી મુલાકાત દરમિયાન નવો મોબાઈલ ફોન અને સિમ આપવાનું કહ્યું હતું અને એ સરકારી માણસનું નામ પણ જણાવ્યું હતું જેના થકી આ મોબાઈલ અને સિમ જેલની અંદર પહોંચશે. આ સાથે જ જેલમાં બંધ અશરફને પણ મોબાઈલ અને સિમ અપાવ્યાં હતાં.

પોલીસવાળાઓ પર હુમલો પ્લાન્ડ હતો
રિમાન્ડ કોપી અનુસાર અતીકે પોલીસને જણાવ્યું કે અમે જેલથી ઉમેશની હત્યાનું કાવતરું રચ્યું હતું સાથે જ શાઈસ્તાએ જાણકારી આપી હતી કે ઉમેશની સાથે 2 ગનમેન રહે છે. સૌથી પહેલા ઉમેશપાલની સુરક્ષામાં તૈનાત પોલીસવાળાઓને મારવાનો આદેશ હતો એટલે કે પોલીસવાળાઓ પર હુમલો પહેલાથી જ નક્કી હતો.

Atiq Ahmed Has Connections With Pak's ISI, Lashkar, Says UP Police chargesheet

The Remand paper (attached here) says he was getting weapons from Pakiatan's using drone pic.twitter.com/yF7mR6tKol

— Atulkrishan (@iAtulKrishan) April 13, 2023

પત્ની શાઈસ્તા ફરાર
અતીકની પત્ની શાઈસ્તા પણ ફરાર થઈ ગઈ છે. એટલે હવે સ્પષ્ટ થાય છે કે ઉમેશપાલ હત્યાકાંડમાં અતીક અને અશરફ તો શામેલ હતાં જ સાથે શાઈસ્તા પરવીનની પણ ભૂમિકા મહત્વની હતી. હાલમાં શાઈસ્તા ફરાર છે અને તેને પકડવા માટે અનેક ટીમોનું ગઠન કરવામાં આવ્યું છે. પ્રયાગરાજ પોલીસ પાસે ઈનપુટ છે કે શાઈસ્તા પોતાના દીકરા અસદનાં અંતિમ સંસ્કારમાં શામેલ થઈ શકે છે.

અંતિમ સંસ્કારમાં જવા માટે વિનંતી કરી રહ્યો છે અતીક
અતીક અહમદ પોતાના દીકરાનાં અંતિમ સંસ્કારમાં જોડાવા માટે વિનંતી કરી રહ્યો છે. 1979માં પહેલો મર્ડર કરનારા અતીકને અંદાજો પણ નહીં હોય કે જે અસદને તે આપરાધીક મામલામાં શામેલ કરી રહ્યો હતો છેલ્લે તેને આ જ જમીનમાં દફન થઈ માફિયાગીરીની કિંમત ચૂકવવી પડશે.