ગજની ફેમ અભિનેત્રી અસિનની જીવનની એક નવી બાબત સામે આવી છે. સૂત્રો અનુસાર અસિનના લગ્નજીવનમાં ખટપટ ચાલી રહી છે.
Share
ઈન્સ્ટાગ્રામ પર પતિ સાથેના તમામ ફોટોઝ ડિલીટ કર્યા
ઈન્સ્ટા એકાઉન્ટ પર મોટાભાગે તેમની દીકરીના જ ફોટોઝ
જાણો શું છે હકીકત
અસિનના લગ્નજીવનમાં ભંગાણ?
ગજની ફેમ અભિનેત્રી અસિનની જીવનની એક નવી બાબત સામે આવી છે. સૂત્રો અનુસાર અસિનના લગ્નજીવનમાં ખટપટ ચાલી રહી છે. અસિને ઈન્સ્ટાગ્રામ પર પતિ સાથેના તમામ ફોટોઝ ડિલીટ કરી દીધા છે. આ ફોટોઝમાં વેડીંગ ફોટોઝ પણ શામેલ છે.
Asin
આ કારણોસર ફેન્સ અંદાજો લગાવી રહ્યા છે કે, અસિનના લગ્નજીવનમાં ખટપટ ચાલી રહી છે, અસિનના ઈન્સ્ટા એકાઉન્ટ પર મોટાભાગે તેમની દીકરીના જ ફોટોઝ છે. અસિન અને રાહુલ શર્માની 5 વર્ષની દીકરી છે અને તેનું નામ આરિન છે. અભિનેત્રીએ પતિ સાથે માત્ર એક ફોટો રાખ્યો છે.
અસિનનો તેના પતિના સાથેનો આ ફોટો વેડિંગ રિસેપ્શનનો છે, જેમાં ઋષિ કપૂર જોવા મળી રહ્યા છે. ઋષિ કપૂરના નિધન સમયે અસિને આ ફોટો પોસ્ટ કર્યો હતો. અસિન અને રાહુલના એક ફેનક્લબે તેમના અલગ થવાનો દાવો કર્યો છે. કહેવામાં આવી રહ્યું છે કે, અસિને ફેબ્રુઆરીમાં જ તેના પતિ સાથેના તમામ ફોટોઝ ડિલીટ કરી દીધા હતા.
અસિનનો તેના પતિ સાથે મનભેદ થયો હોય તેવી કોઈ બાબત સામે આવી નથી. ફેન્સ આ સમાચાર સાંભળીને ખૂબ જ શોક્ડ થઈ ગયા છે. અસિને તેના પતિ સાથેના તમામ ફોટોઝ શા માટે ડિલીટ કર્યા, તે બાબત સમજ નથી આવી રહી. વર્ષ 2016માં જ અસિન અને રાહુલ લગ્નના બંધનમાં બંધાયા હતા. રાહુલ શર્મા માઈક્રોમેક્સના કો-ફાઉન્ડર છે. લગ્ન પછી અસિને એક્ટિંગ કરિઅર છોડી દીધું હતું. અસિને વર્ષ 2017માં એક દીકરીને જન્મ આપ્યો હતો.
અસિને અનેક સાઉથ મૂવીઝમાં કામ કર્યું છે. તેમણે બોલીવુડમાં ફિલ્મ ‘ગજની’થી ડેબ્યૂ કર્યું હતું. આ મૂવી પછી અસિન ખૂબ જ ફેમસ થઈ હતી. અસિન અને રાહુલની લવ સ્ટોરીમાં અક્ષય કુમારનો મહત્ત્વપૂર્ણ રોલ છે. અક્ષય કુમારે જ આ બંનેની જ મુલાકાત કરાવી હતી.
