ઈલેક્શન 2022 / આ વખતે ગુજરાતમાં ખૂબ ગુસ્સો છે: 2017ની ભૂલને સુધારવાને લઈને ગેહલોતનું મોટું નિવેદન

• ચૂંટણીને લઈ અશોક ગેહલોતનું મોટું નિવેદન
• 'ગુજરાતમાં કોંગ્રેસની સરકાર બનશે'
• 'કોંગ્રેસ 125થી વધુ બેઠક જીતશે'

ગુજરાત વિધાનસભાની ચૂંટણીને આંગળીના વેઢે ગણી શકાય એટલા જ દિવસો બાકી રહ્યા છે. એવામાં તમામ રાજકીય પક્ષોએ પ્રચાર અભિયાનને તેજ બનાવ્યું છે. દરેક રાજકીય પક્ષો મતદારોને આકર્ષવા માટે અડીચોટીનું જોર લગાવી રહ્યા છે. ભાજપના સ્ટાર પ્રચારકો વિવિધ બેઠકો પર સભાઓ અને રેલીઓ યોજી રહ્યાં છે ત્યારે કોંગ્રેસ પણ કોઈ કસર છોડવા માંગતી નથી. રાજસ્થાનના મુખ્યમંત્રી અને કોંગ્રેસના અગ્રણી નેતા અશોક ગહેલોતનું વિધાનસભાની ચૂંટણીને લઈ મોટું નિવેદન સામે આવ્યું છે.

અશોક ગહેલોત સાથે ખાસ વાતચીત
અશોક ગહેલોત સાથેની ખાસ વાતચીતમાં તેમને સવાલ કરાયો હતો કે, 2017માં કોંગ્રેસની ક્યાંક કમી રહી ગઈ હતી આ વખતે કેવી રીતે પૂરી કરશો? જેના જવાબમાં તેમણે જણાવ્યું હતું કે, જે કમી જનતા પૂરી કરી રહી છે સરકાર વિરોધી લહેર ગઈ વખત કરતા આ વખતે વધુ છે. તેમને બીજો સવાલ કરાયો હતો ગત ચૂંટણીમાં કોંગ્રેસે 125નો ટાર્ગેટ રાખ્યો હતો પરંતું તે સાકાર ન થયો તેમણે જવાબ આપતા કહ્યું કે, અમિત શાહે 150નો ટાર્ગેટ રાખ્યો હતો પરંતું 99માં સીટો મળી હતી તેમણે કહ્યું કે ભાજપથી જનતા કંટાળી ગઈ છે અને આ વખતે ગુજરાતની જનતા કોંગ્રેસને મોકો આપવાની છે. તેમણે કહ્યું કે, આ વખતે ગુજરાતમાં ખૂબ ગુસ્સો છે.

"પહેલાથી CM પદ જાહેર કરવાની અમારી પરંપરા નથી"
અશોક ગહેલોત સાથેની ખાસ વાતચીતમાં તેમને સવાલ કરવામાં આવ્યો હતો કે, ગુજરાતમાં મુખ્યમંત્રીનો ચહેરો કોણ? જે સવાલના જવાબમાં તેમણે જણાવ્યું કે, કોંગ્રેસ કોઈ પણ રાજ્યમાં પહેલાથી મુખ્યમંત્રી પદની જાહેરાત કરતી નથી અમારી પહેલાથી CM પદ જાહેર કરવાની પરંપરા નથી. કોરોનાથી, દારૂથી અનેક લોકોના મૃત્યું થયા છે જેવા અનેક મુદ્દે સરકાર નિષ્ફળ છે તેમ ગહેલોતે જણાવ્યું હતું

ચૂંટણીને લઈ અશોક ગેહલોતનું મોટું નિવેદન
રાજસ્થાનના મુખ્યમંત્રી અશોક ગેહલોત ચૂંટણી પ્રચારને લઈ ત્રણ દિવસીય ગુજરાતના પ્રવાસે છે. વિધાનસભાની ચૂંટણીને લઈ અશોક ગેહલોતનું મોટું નિવેદન સામે આવ્યું છે. અશોક ગહેલોત ભાજપ પ્રહાર કરતા જણાવ્યું કે, દેશમાં મોંઘવારીએ માજા મૂકી છે તેમેણે કહ્યું કે, ગુજરાતમાં કોંગ્રેસની સરકાર બનશે. કોંગ્રેસ 125થી વધુ બેઠકો જીતશે તેમણે એમ પણ જણાવ્યું હતું 

ગહેલોતના આમ આદમી પાર્ટી પ્રહાર
ગહેલોતે આપ પ્રહાર કરતા કહ્યું કે, અરવિંદ કજેરીવાલે મુખ્યમંત્રી પદ માટે ચહેરો જાહેર કર્યો છે પણ તે પદના ઉમેદવાર ફરી રહ્યાં છે ક્યાથી ચૂંટણી લડું. તેમણે કહ્યું કે, આપ ગમે ત્યારે ગાયબ થઈ જશે. તેમણે કહ્યું કે, AAP તો ભાજપની B ટીમ અને પ્રચાર પણ બંધ કરી દીધો