Health / નાના બાળકોને કાજલ લગાવવાની ટેવ હોય તો આ વાત જાણી લેજો! થઈ શકે છે આવા નુકસાન, જાણો શું કહે છે એક્સપર્ટ

• બાળકની આંખમાં કાજલ લગાવવું સ્વાસ્થ્ય માટે હાનિકારક 
• બળતરા, ખંજવાળ, લાલચને અનેક પ્રકારની સમસ્યાનું જોખમ
• કાજલમાં રહેલ ઝેરી તત્વના સંપર્કમાં આવતા બાળકને બચાવવું જોઈએ

ભારતમાં જ્યારે બાળકનો જન્મ થાય ત્યારે તેને ખરાબ નજરથી બચાવવા માટે કાજલ લગાવવામાં આવે છે. આ ઉપરાંત બાળકોને સુંદરતા માટે પણ આંખોમાં કાજલના મસ્કારા કરવામાં આવતા હોય છે. ત્યારે હવે સવાલ એ ઊભો થાય છે બાળકોને લગાવવામાં આવતું આ કાજલ બાળકોના સ્વાસ્થ્ય માટે સલામત છે કે નહીં? આવો જાણીએ વિસ્તારથી.

બાળકને આ તત્વના સંપર્કમાં આવતા બચાવવું
એક્સપર્ટના દાવા આનુસાર કાજલ બનાવવા માટે લીડ એટલે કે સીસા નામના એક હાનિકારક તત્વનો ઉપયોગ કરવામાં આવે છે. જે બાળકોના સ્વાસ્થ્ય પર પ્રતિકૂળ અસર પાડે છે. સીસા નામના આ તત્વની ખરાબ અસરને પગલે બાળકની કિડની, બોનમોરા, મગજ સહિતના શરીરના ઘણા ભાગો પર તે નુકસાનકારક સાબિત થઈ શકે છે. એક દાવો એવો પણ કરવામાં આવે છે કે લીડનું પ્રમાણ લોહીમાં વધી જવાથી બાળકનું મોત પણ થવાની શક્યતાઓ રહેતી હોય છે. બાળક નાનું હોવાથી તેનું શરીર વિકાસ પામતું હોય છે. ત્યારે બાળકને આ તત્વના સંપર્કમાં આવતા બચાવવું જોઈએ.

આંખોના ચેપનું જોખમ પણ વધે છે
જેથી નવજાત બાળકને કાજલ લગાવવાથી તેની આંખોના સ્વાસ્થ્ય પર ખરાબ અસર થઈ શકે છે. આંખોમાં પાણી આવવા ઉપરાંત ખંજવાળ અને કેટલાક બાળકોને તેના કારણે એનર્જી પણ થઈ શકે છે. માતા પોતાના હાથે બાળકને કાજલ લગાવતી હોવાથી આંખોના ચેપનું જોખમ પણ વધે છે. જેથી બજારમાં મળતી કાજલનો બાળક માટે ક્યારેય ઉપયોગ કરવો જોઈએ નહીં કારણ કે તે હાનિકારક રસાયણથી ભરપૂર હોય છે.

બાળકની આંખ માટે નુકસાનકારક

ખાસ વાત એ છે કે ઘરે બનાવેલ કાજલ બાળકો માટે નુકસાનકારક ન હોય તેવું ઘણા લોકો માની અને બાળકોને ઘરે બનાવેલ કાજલ લગાવતા હોય છે. પરંતુ આવું કરવું તે પણ તેના સ્વાસ્થ્ય માટે યોગ્ય નથી કાજલ બજારમાં ખરીદેલ હોય કે ઘરે બનાવેલ હોય બંને બાળકની આંખ માટે તો નુકસાનકારક જ છે  તેનાથી આંખમાં ઇન્ફેક્શન, દુખાવો, બળતરા, ખંજવાળ, લાલચને અનેક પ્રકારની સમસ્યાઓ થઈ શકે છે.