બહુ કરી / પબજી-FB બાદ હવે સામે આવી રોંગ નંબરની લવસ્ટોરી: પાકિસ્તાનથી ભારત આવ્યો ગુલઝાર... કર્યું એવું કે થઈ ગઈ ધરપકડ

• મિસ્ડ કોલ દ્વારા શરૂ થયેલ પ્રેમ માટે સરહદ પાર કરી ભારત પહોંચ્યો ગુલઝાર 
• પ્રેમમાં પડી દુબઈ થઈને ભારતમાં આવ્યો હતો ગુલઝાર 
• ગુલઝારે પાકિસ્તાન જવાનું વિચાર્યું અને એરપોર્ટ પકડાઈ ગયો 

છેલ્લા થોડા દિવસોથી સીમા હૈદર-સચિન અને અંજુ-નસરુલ્લાની લવસ્ટોરી આંતરરાષ્ટ્રીય ચર્ચામાં છે અને લોકો તેની જ વાતો કરી રહ્યા છે. એવામાં આ દરમિયાન આવી જ બીજી એક પ્રેમ કહાની સામે આવી, જ્યાં એક પાકિસ્તાની વ્યક્તિ એક મિસ્ડ કોલ દ્વારા શરૂ થયેલ પ્રેમને કારણે ખરેખર સરહદ પાર કરીને ભારત પહોંચ્યો હતો. હાલમાં તે નકલી દસ્તાવેજોના કારણે કાનૂની અડચણોનો સામનો કરી રહ્યો છે. શું છે આખી વાત ચાલો એ વિશે જાણીએ.. 

પબજી-FB બાદ હવે રોંગ નંબર લવસ્ટોરી#PUBG #FB #WrongNumber #LoveStory #vtvcard #vtvgujarati pic.twitter.com/OMar8WF9M7

— VTV Gujarati News and Beyond (@VtvGujarati) July 27, 2023

ગુલઝારે સરહદ પાર કરવાનો નિર્ણય લીધો
વાત આંધ્ર પ્રદેશના નંદ્યાલ જિલ્લાની છે અને આ કહાનીના પાત્રો પાકિસ્તાનના ગુલઝાર અને ભારતના દૌલત બી છે. મહત્વની વાત એ છે કે આ કહાની 13 વર્ષ પહેલા શરૂ થઈ હતી. વર્ષ 2010માં જ્યારે દૌલત બી ફોનમાં મિસ્ડ કોલ જોઈને પરત કોલ કર્યો ત્યારે તાર પાડોશી દેશના ગુલઝાર સાથે જોડાયેલા હતા. એ બાદ ફોનથી જ બંનેની ઓળખાણ શરૂ થઈ અને માત્ર એક મિસ્ડ કોલથી લાંબી વાતચીત સુધીની સફર પંહોચી. વાત અંતે પ્રેમમાં પરિણમી અને ગુલઝારે સરહદ પાર કરવાનો નિર્ણય લીધો.

દુબઈ થઈને ભારતમાં આવ્યો હતો ગુલઝાર 
એક મીડિયા રિપોર્ટ અનુસાર ગુલઝાર દુબઈ થઈને ભારતમાં પ્રવેશ્યા અને દૌલત બીએ તેને પરિવારની સામે આવી ગયો. અહીંથી સંબંધો પર મહોર લાગી અને બંનેએ લગ્ન કરી લીધા.એટલું જ નહીં ગુલઝારે પોતાના અને તેના ચાર બાળકોના આધાર કાર્ડ પણ બનાવડાવ્યા હતા .લગ્ન પછી જ્યાં દોલત બી મજૂરી કામ કરતી ત્યાં રહીને ગુલઝારે પેઇન્ટિંગનું કામ શરૂ કર્યું.

ક્યાં આવી મુસીબત
રિપોર્ટ અનુસાર આ દરમિયાન ગુલઝારે પાકિસ્તાન જવાનું વિચાર્યું અને એરપોર્ટ પહોંચ્યા. જ્યારે અહીં દસ્તાવેજો બતાવવામાં આવ્યા ત્યારે તેને તાત્કાલિક કસ્ટડીમાં લેવામાં આવ્યો. તપાસ થઈ અને વર્ષો પછી ગુલઝારના પાકિસ્તાની હોવાનું રહસ્ય ખુલ્યું. આ સાથે ગુલઝાર છેતરપિંડી, પાસપોર્ટ એક્ટ સહિતના અનેક મામલામાં ઘેરાયો છે. જણાવવામાં આવી રહ્યું છે કે આ મામલે ગુરુવારે જ નિર્ણય આવવાનો છે.

સીમા હૈદર કેસમાં શું થયું:
બોયફ્રેન્ડ સચિન સાથે રહેવા માટે મે મહિનામાં નેપાળ થઈને ગેરકાયદેસર રીતે ભારત આવેલી સીમા હૈદર પોલીસની નજર હેઠળ છે. અહેવાલ છે કે તેના દસ્તાવેજો નવી દિલ્હીમાં પાકિસ્તાની દૂતાવાસને તપાસ માટે મોકલવામાં આવ્યા છે. 4 જુલાઈના રોજ સીમાની ભારતમાં ગેરકાયદેસર પ્રવેશ કરવા બદલ ધરપકડ કરવામાં આવી હતી. બંનેને 7 જુલાઈએ કોર્ટમાંથી જામીન મળ્યા હતા.