વિશ્વ / મારે ભારત પાછા આવવું છે: પ્રેમી માટે પાકિસ્તાન જઈને ચર્ચામાં આવેલી અંજુને અચાનક શું થયું ?

• વિઝા લઈને પાકિસ્તાન પહોંચેલી અંજૂનું નિવેદન
• તેણે કહ્યું કે 'હું ભારત જવા ઈચ્છું છું'
• નિકાહ બાદ અંજૂ હવે દુ:ખી છે

Anju Pakistan News : ભારતની અંજૂ પખ્તૂનખ્વા પોતાના ફેસબુક ફ્રેંડને મળવા માટે પાકિસ્તાન ગઈ હતી. શરૂઆતમાં તો તે એવું કહી રહી હતી કે તે અહીં માત્ર ફરવા આવી છે પરંતુ પછી ફોટો સામે આવ્યો જેનાથી સ્પષ્ટ થઈ ગયું કે તેણે નસરુલ્લાહ સાથે નિકાહ કરી લીધાં છે. આ સિવાય અંજૂએ પોતાનું ધર્મપરિવર્તન પણ કરી લીધું છે. પરંતુ હવે અંજૂએ કહ્યું કે તે દુ:ખી છે. 

'હું ભારત જવા ઈચ્છું છું'
ભારતથી વિઝા લઈને પાકિસ્તાન ગયેલી અંજૂએ કહ્યું કે તે પાછી આવવા ઈચ્છે છે. તેણે કહ્યું કે,' તેણે જે વિચાર્યું હતું તેવું કંઈ જ નથી. મેં અહીં જે કર્યું છે તેના લીધે મારા પરિવારની બદનામી થઈ રહી છે. આ જ કારણે હું અત્યંત દુ:ખી છું. મને મારા બાળકોની યાદ આવે છે.'

 'હું અત્યંત દુ:ખી છું'
રિપોર્ટ અનુસાર અંજૂએ કહ્યું કે, અહીં (પાકિસ્તાનમાં) બધું પોઝિટિવ છે. હું અહીં કોઈ બીજી પ્લાનિંગથી આવી હતી. પરંતુ મેં જે વિચાર્યું હતું તેની જગ્યાએ કંઈક બીજું જ થઈ રહ્યું છે. ક્યાંકને ક્યાંક મારાથી પણ મિસ્ટેક થઈ ગઈ છે. કારણકે અહીં જે પણ થયું છે તેનાં કારણે ત્યાં (ભારતમાં) મારી ફેમિલીને બદનામ કરવામાં આવી રહ્યું છે. આ બધું જ મારા લીધે થયું છે જેના કારણે હું અત્યંત દુ:ખી છું. અને બીજી વાત કે બાળકોનાં મનમાં મારી શું ઈમેજ બની હશે?'

' મારી સાથે કોઈ જબરદસ્તી નથી કરવામાં આવી'
અંજૂએ કહ્યું કે,'  હું કંઈ પણ કરીને ભારત જવા ઈચ્છું છું. હું દરેક ચીજનો સામનો કરવા ઈચ્છું છું. હું ત્યાંની મીડિયાને પણ જવાબ આપવા ઈચ્છું છું. મારી પાસે તેમના તમામ સવાલોનો જવાબ છે. હું તેમને જણાવીશ કે મારી સાથે કોઈ જબરદસ્તી નથી કરવામાં આવી. મને ઘણી સારી રીતે રાખવામાં આવ્યું છે. આ મારો જ નિર્ણય હતો. બસ મીડિયાનાં પ્રેશરનાં લીધે હું જલ્દી પાછી નથી જઈ શકતી. હું જવા ઈચ્છું છું અને ફરી એકવાર બાળકોને મળવા ઈચ્છું છું કારણકે હું તેમને રાતદિવસ યાદ કરું છું.'