'કચ્ચા બાદામ ગર્લ' / ઈન્ટરનેટ પર 'નખરાં કરનારી' આ છોકરી હવે બનશે માતા સીતા, ફિલ્મમાં થઈ રોલની ઓફર

ઈન્ટરનેટ સેન્સેશન બનેલી 'કચ્છા બાદામ ગર્લ' અંજલિ અરોરા માટે સારા સમાચાર આવ્યાં છે. અંજલિને તેની કરિયરની પહેલી ફિલ્મ મળી છે. અંજલિ અરોરા અભિષેક સિંઘ નિર્દેશિત ફિલ્મ શ્રી રામાયણ કથામાં સીતાના પાત્રની ઓફર થઈ છે અને તેણે હા પણ પાડી દીધી હોવાનું જણાવાઈ રહ્યું છે.

અંજલિએ કરી સમાચારની પુષ્ટિ

અંજલિએ આ સમાચારની પુષ્ટિ કરી હતી. તેણે કહ્યું કે સીતાની ભૂમિકા મેળવીને તે ખુશ અને ધન્યતા અનુભવે છે. સીતા એક એવું પાત્ર છે જેનો કોઈ ઇનકાર કરી શકે નહીં. અંજલિએ વધુમાં જણાવ્યું હતું કે, તેણી પોતે જાણતી નથી કે આ ભૂમિકા તેની કરિયર પર કેવી અસર પાડશે. આ વિશે એણે ડાયરેક્ટર અભિષેક સાથે વાત કરી ત્યારે એને ખબર પડી કે સીતા માટે વધુ કેટલીક અભિનેત્રીઓને શોર્ટલિસ્ટ કરવામાં આવી છે. તેમણે મારામાં કંઈક જોયું અને નિર્માતાઓએ મને આ ભૂમિકા માટે કરી. ગત મહિને મને ફાઈનલ કરવામાં આવી હતી ત્યારથી હું રામાયણ અને સીતા વિશે વધુ માહિતી મેળવી રહી છું. પોતાને સીતા બનાવવા માટે તેણે ભણવાનું શરૂ કર્યું છે.

વધુ વાંચો : લગ્ન પહેલા 'સેક્સના પાઠ', સ્કૂલમાં સ્ટૂડન્ટ સાથે સેક્સ માણતી ઝડપાઈ લેડી ટીચર, ગંદા મેસેજ લખ્યાં

ટૂંક સમયમાં શરુ થશે શૂટિંગ

પ્રકાશ મહોબિયા અભિષેક સિંહના નિર્દેશનમાં શ્રી રામાયણ કથાનું નિર્માણ કરી રહ્યા છે. ટૂંક સમયમાં જ ફિલ્મનું શૂટિંગ શરૂ કરવામાં આવશે. આમ જોવા જઈએ તો નિતેશ તિવારીની રામાયણ પણ આ સમયે ચર્ચાનો વિષય બની રહે છે. આ રામાયણમાં રણબીર કપૂર રામના રોલમાં જોવા મળશે અને સાંઈ પલ્લવી સીતાના રોલમાં જોવા મળશે. તાજેતરમાં સેટ પરથી બંને કલાકારોની તસવીરો પણ લીક થઇ હતી.