કારોબારમાં સુધારો / અનિલ અંબાણીના અચ્છે દિન : તમામ કંપનીઓના શેર દોડવા લાગ્યા, જાણો દરેકના ભાવ

• અનિલ અંબાણીની 6 લિસ્ટેડ કંપનીઓના શેરમાં જોરદાર ઉછાળો
• તમામ કંપનીઓના શેરમાં 5 ટકાનો વધારો 
• છ કંપનીઓનું માર્કેટ કેપ 2,185 કરોડ રુપિયા રહ્યું

અનિલ અંબાણીની 6 લિસ્ટેડ કંપનીઓના શેર્સમાં 1 વર્ષથી ઉપરના ભાવે ટ્રેડ કરી રહ્યાં છે. અનીલ ધીરુભાઈ અંબાણી જૂથની કુલ 6 કંપનીઓ શેર બજારમાં લિસ્ટેડ છે. શુક્રવારે આ તમામ કંપનીઓના શેરમાં 5 ટકાનો વધારો જોવા મળ્યો છે. તેનુ માર્કેટ કેપ 2,185 કરોડ રુપિયા રહ્યું છે. રિયાલન્સ કેપિટલનો શેર 1 મહિનામાં 10.85 થી વધીને 20.53 રુપિયા થયો હતો. 95 ટકા વધારા સાથે માર્કેટ કેપ 518 કરોડ રુપિયા રહ્યું છે.

રિલાયન્સ નેવલનો શએર 4.81 રુપિયા પર પહોંચ્યો
રિલાયન્સ નેવલનો શેર 2.80 થી વધીને4.81 રુપિયા પર આવી ગયો છે માર્કેટ કેપ 354 કરોડ રુપિયા રહ્યું છે. રિલાયન્સ પાવરના શેર 6.45 રુપિયાથી વધીને 12.74 રુપિયા પર પહોંચી ગયો છે. માર્કેટ કેપ 3573 કરોડ રુપિયા રહ્યું છે. રિલાયન્સ કમ્યુનિકેશનનો શેર 1.70 થી 100 ટકા વધીને 3.64 રુપિયા થયું છે. માર્કેટ કેપ 1,006 કરોડ રુપિયા રહ્યું છે. રિલાયન્સ હોમ ફાઈનાન્સના શેર 2.49 થી વધીને 4.49 રુપિયા પર આવી ગયું છે. કંપનીનું માર્કેટ કેપ 217 કરોડ રુપિયા રહ્યું છે. 

શેરમાં આવેલા જંગી ઉછાળા પાછળનું કારણ શું 
રિલાયન્સ ઈન્ફ્રા બોર્ડે પ્રમોટર અનિલ અંબાણી પાસેથી 550 કરોડ રુપિયા એકત્ર કરવાની મંજૂરી આપી છે. જે પછી કંપનીમાં અનિલની હિસ્સેદારી 23 ટકા થઈ જશે. દેશની સૌથી મોટી બેન્ક એસબીઆઈએ રિલાયન્સ કમ્યુનિકેશન અને રિલાયન્સ ઈન્ફ્રાટેલ પરથી ફ્રોડ ટેગ હટાવવાની માંગ કરી છે. તેને માટે NCLAT મુંબઈમાં અરજી પણ દાખલ કરી છે. રિલાયન્સ પાવર વર્ષ 2008 માં 11,563 કરોડ રુપિયાનો આઈપીઓ લાવ્યું હતું. તે સમયે તેનો ભાવ 232.80 રુપિયા હતું જે હવે 12.74 રુપિયા છે.