અંબાણી પરિવાર / જાણો શું કરે છે ભારતના સૌથી અમીર અંબાણી પરિવારના જમાઈ અને વહુઓ, મોટી મોટી કંપનીઓમાં છે પદ

દેશના સૌથી અમીર અંબાણી પરિવારમાં વધુ એક સભ્ય જોડાવવા જઈ રહ્યું છે. મુકેશ અંબાણી અને નીતા અંબાણીના નાના દિકરા અનંત અંબાણીના લગ્ન રાધિકા મર્ચન્ટ સાથે થવા જઈ રહ્યા છે. પ્રી-વેડિંગ સેલિબ્રેશન અને લગ્ન ગુજરાતના જામનગરમાં 1થી 3 માર્ચની વચ્ચે યોજાશે. તેના માટે જામનગરમાં ભવ્ય તૈયારીઓ કરવામાં આવી રહી છે. 

હજુ સુધી લગ્નની કન્ફર્મ તારીખ સામે નથી આવી. અંબાણી પરિવારના મોટા દિકરા આકાશના લગ્ન શ્લોકા મહેતા અને દિકરી ઈશાના લગ્ન આનંદ પીરામલ સાથે થયા છે. આવો જાણીએ અંબાણી પરિવાર વહુઓ અને જમાઈ શું કરે છે. 

વિવિધ કંપનીઓમાં મોટા પદ સંભાળે છે બધા 
રાધિકા મર્ચન્ટ, શ્લોકા મહેતા અને આનંદ પીરામલ અલગ અલગ કંપનીઓમાં મોટા પદોને સંભાળી રહ્યા છે. તેમણે શિક્ષા સાથે વ્યાપારમાં પણ પ્રાઈમરી ટ્રેનિંગ પુરી કરી છે. હવે અંબાણી પરિવારનો ભાગ બનીને આ બધા બિઝનેસને આગળ લઈ જવા માટે પોત પોતાની ભુમિકા નિભાવશે. 

પીરામલ ગ્રુપમાં નોન એક્ઝીક્યૂટિવ ડાયરેક્ટર છે આનંદ પીરામલ 
ઈશા અંબાણીના પતિ આનંદ પીરામલ, અજય પીરામલ અને સ્વાતિ પીરામલના દિકરા છે. તે પીરામલ ગ્રુપમાં નોન એક્ઝીક્યૂટિવ ડાયરેક્ટના પદ પર છે. તેમના માતા અને પિતાની પાસે કંપનીના ચેરમેન અને વાઈસ ચેરમેનસીપનું પદ છે. 

આનંદ પીરામલે બોસ્ટનના હાર્વડ બિઝનેસ સ્કૂલથી માસ્ટર્સ ડિગ્રી કરી છે. સાથે જ ઈકોનોમિક્સમાં બેચલર ડિગ્રી પેંસિલવેનિયા યુનિવર્સિટીથી મેળવી હતી. 31 માર્ચ, 2023 સુધી પીરામલ ગ્રુપની કુલ એસેટ 83,752 કરોડ રૂપિયા હતી. 

રોઝી બ્લૂ ઈન્ડિયાના બોર્ડમાં ડાયરેક્ટર છે શ્લોકા મહેતા 
આકાશ અંબાણીની પત્ની શ્લોકા મહેતા રોઝી બ્લૂ ઈન્ડિયાના બોર્ડમાં ડાયરેક્ટર છે. તેમની માતા અને પિતા આ કંપનીના એમડી સહિત મોટા પદોને સંભાળી રહ્યા છે. શ્લોકાએ લંડન સ્કૂલ ઓફ ઈકોનોમિક્સ એન્ડ પોલીટિકલ સાયન્સથી માસ્ટર્સ ડિગ્રી લૉ, એથ્રોપોલોજી અને સોસાયટીમાં મેળવી છે. તેના ઉપરાંત તેમણે પ્રિંસટન યુનિવર્સિટીમાંથી એથ્રોપોલોજીમાં બેચલર ડિગ્રી મેળવી છે. 

વધુ વાંચો: ભારતના લોકોને રિર્ટનથી વધુ સુરક્ષિત મૂડી પસંદ, રોકાણની આ સ્કીમમાં સૌથી વધુ રૂપિયા લગાવે છે

એનકોર હેલ્થકેરના બોર્ડ ઓફ ડાયરેક્ટર્સમાં છે રાધિકા મર્ચન્ટ 
અનંત અંબાણીની પત્ની બનવા જઈ રહેલી રાધિકા મર્ચન્ટ એનકોર હેલ્થકેરના બોર્ડ ઓફ ડાયરેક્ટર્સમાં શામેલ છે. તેમના પિતા વીરેન મર્ચન્ટ અને માતા શેલા મર્ચન્ટ કંપનીના એમડી અને સીઈઓના પદો પર છે. રાધિકાએ ન્યૂયોર્ક યુનિવર્સિટીથી પોલિટિક્સ અને ઈકોનોમિક્સમાં બેચલર ડિગ્રી મેળવી છે.