ડર યથાવત / ઋતુગત બીમારીઓ વચ્ચે કોરોનાના કેસ 70 કેસ, તો ચિકનગુનિયા, ડેંગ્યૂના રોજના 60 કેસ, ડૉક્ટરોએ કહ્યું- બાળકોને વેક્સિન આપો

• રાજ્યમાં રફતાર પકડતો કોરોના 
• ગુજરાતમાં 70 કેસ નોંધાતા ફફડાટ 
• ઓમિક્રોનની દહેશત વચ્ચે કોરોના 

રાજ્યમાં ઓમિક્રોનની દહેશત વચ્ચે  કોરોનાના વધુ 70 કેસ નોંધાતા વધુ એક વખત ફફડાટ વ્યાપ્યો છે. તો કોરોનાને મહાત આપીને  63 દર્દી ડિસ્ચાર્જ થયા છે. હજુ પણ એક્ટિવ કેસની સંખ્યા 577 જેટલી છે.આજે કોરોનાથી 1નું  મોત થયું છે.ગુજરાતમાં કોરોનાથી સાજા થવાનો દર 98.71 ટકા રહ્યો છે. રાજ્યના અલગ-અલગ શહેરો પરના આંકડા જોઈએ તો અમદાવાદમાં 13 , વડોદરામાં 12 , જામનગરમાં 10 ,સુરતમાં 8 , રાજકોટમાં 9 , ગાંધીનગરમાં 3,મહેસાણામાં 3 , આણંદમાં 2 , ગીર સોમનાથમાં 2,પોરબંદરમાં 2 , ભાવનગર,  કચ્છ, દેવભૂમી દ્વારકા, નવસારી અને સુરેન્દ્રનગર તમામ જગ્યાએ  એક-એક કેસ નોંધાયા છે. કોરોનાગ્રસ્ત 8 દર્દી વેન્ટિલેટર પર સારવાર હેઠળ છે.રાજ્યભરમાં આજે 2.21 લાખ નાગરિકોનું  રસીકરણ 
થયું છે.અત્યાર સુધી રાજ્યમાં રસીના 8.72 કરોડ ડોઝ અપાઈ ચુક્યા છે.

બાળકોને હવે આપો વેક્સીન-તબીબો 

રાજ્યમાં ફરીવાર વધતા કોરોના સંક્રમણનાં કેસ સાથે ઋતુજન્ય બીમારીઓ પણ વકરી રહી છે ત્યારે, બાળકો, વાલીઓ સાથે તબીબો પણ ચિંતિત છે આ તકે, રાજ્ય સરકારના આરોગ્ય્ય વિભાગને અપીલ કરતા તબી બોએ કહ્યું છે કે, હવે  બાળકોની વેક્સિનની વ્યવસ્થા કરો,વેક્સીન મુદ્દે ઝડપ કરો.  
સ્કૂલોમાં વધતા સંક્રમણ મુદ્દે ડૉ.મોના દેસાઇએ સ્કૂલ સત્તાધીશો સાથે વાલીઓને સાવચેતી રાખવા અપીલ કરી છે. તેમણે ઉમેર્યું છે કે, પ્રજાની બેદરકારી કોરોનાની સંભવિત ત્રીજી લહેરને આમંત્રિત કરશે. અત્યારે ઋતુગત બીમારીઓ વચ્ચે કોરોનાના કેસોએ ચિંતા વધારી છે. અને બાળકોમાં ચિકનગુનીયા, ડેન્ગ્યૂના રોજના 50થી 60 કેસો આવી રહ્યાં છે 

રાજ્યમાં ઓમિક્રોનના કેટલા કેસ?

અમદાવાદ 3 
જામનગર 3 
સુરત 2 
વડોદરા 2 
ગાંધીનગર 1 
મહેસાણા 1 
આણંદ 1
રાજકોટ 1