બહુ કરી / 'એ ભૈયા પેલું વાદળી કમળ અમારા નામની આગળ પાછું મૂકી દો' અમિતાભ બચ્ચને આ અંદાજમાં મસ્ક પાસે માંગ્યું બ્લુ ટિક

• અમિતાભ બચ્ચન ટ્વિટર પર ખૂબ એક્ટિવ રહે છે
• બ્લૂ ટીક હટાવવા બાબતે અમિતાભ બચ્ચને કર્યું ટ્વિટ 
• આ સ્ટાર્સના એકાઉન્ટમાંથી બ્લુ ટિક હટાવી દેવામાં આવ્યું 

સોશિયલ મીડિયાના ઈતિહાસમાં 20 એપ્રિલ 2023ની તારીખ લોકો હંમેશા યાદ રાખવામાં આવશે કારણ કે એ દિવસે ભારતના ઘણા મોટા સેલેબ્સના ટ્વિટર પરથી બ્લુ ટિક દૂર કરવામાં આવ્યું હતું. જણાવી દઈએ કે આ લિસ્ટમાં અમિતાભ બચ્ચન, સલમાન ખાન, શાહરૂખ ખાન અને અક્ષય કુમાર જેવા ઘણા સુપરસ્ટાર્સના નામ સામેલ હતા. એવામાં આપણે બધા જાણીએ છીએ કે બિગ બી એટલે કે અમિતાભ બચ્ચન ટ્વિટર પર ખૂબ એક્ટિવ રહે છે અને અવાર નવાર ટ્વીટ પર પોતાના વિચારો અને કવિતાઓ શેર કરતાં રહે છે. એવામાં આ બ્લૂ ટીક હટ્યા પછી તાજેતરમાં જ અમિતાભ બચ્ચને કંઈક એવું ટ્વિટ કર્યું છે, જેના કારણે દરેક જગ્યાએ તેની ચર્ચા થઈ રહી છે. 

એ ટ્વિટર ભૈયા સાંભળી રહ્યા છો?
વાત એમ છે કે મસ્ક પહેલા જ કહી ચૂક્યા છે કે બ્લુ ટિક જાળવી રાખવા માટે પેમેન્ટ કરવું પડશે. એવામાં જે લોકોએ પેમેન્ટ કર્યું છે એમનું બ્લૂ ટીક હજુ એમનેમ છે. એવામાં હાલમાં જ અમિતાભ બચ્ચને ટ્વીટ કરીને કહ્યું કે - એ ટ્વિટર ભૈયા સાંભળી રહ્યા છો? હવે તો અમે પૈસા પણ ભર્યા છે... તો એ વાદળી કમળ જે છે તે અમારા નામની આગળ પાછું મૂકી દો ભાઈ, જેથી લોકોને ખબર પડે કે અમે જ છીએ - અમિતાભ બચ્ચન.. હાથ જોડ્યા હવે શું પગે લાગીએ?? અમિતાભ બચ્ચનના આ ફની ટ્વીટને લોકો પસંદ કરી રહ્યા છે. 

T 4623 - ए twitter भइया ! सुन रहे हैं ? अब तो पैसा भी भर दिये हैं हम ... तो उ जो नील कमल ✔️ होत है ना, हमार नाम के आगे, उ तो वापस लगाय दें भैया , ताकि लोग जान जायें की हम ही हैं - Amitabh Bachchan .. हाथ तो जोड़ लिये रहे हम । अब का, गोड़वा 👣जोड़े पड़ी का ??

— Amitabh Bachchan (@SrBachchan) April 21, 2023

આ સ્ટાર્સના એકાઉન્ટમાંથી બ્લુ ટિક હટાવી દેવામાં આવ્યું 
જણાવી દઈએ કે ગઇકાલથી આજ સુધીમાં શાહરૂખ ખાન, સલમાન ખાન, અમિતાભ બચ્ચન, આલિયા ભટ્ટ, અભિષેક બચ્ચન, હૃતિક રોશન, બિપાશા બાસુ, અર્જુન રામપાલ, અનુષ્કા શર્મા અને ફરાહ ખાન અને અન્ય ઘણા સ્ટાર્સ બ્લુ ટિક દૂર કરવામાં આવ્યા છે. 

આ સ્ટાર્સના ખાતામાંથી બ્લુ ટિક નથી હટાવવામાં આવ્યું 
આ બધા વચ્ચે બોલિવૂડના અમુક સ્ટાર્સમાં હજુ પણ બ્લુ ટિક છે એ લિસ્ટમાં અનુપમ ખેર, સોનમ કપૂર, સૂર્યા, મહેશ બાબુ, જુનિયર એનટીઆર, એસએસ રાજામૌલી, નાગાર્જુન અક્કીનેની, રાણા દગ્ગુબાતી સ્ટાર્સ સામેલ છે.