- અમીષાએ 'ગદર 2'ના સેટ પર અનિલ શર્મા અને તેના પ્રોડક્શન હાઉસ પર લગાવ્યો ગંભીર આરોપ
- અનિલ શર્માએ અમીષાનો આભાર માન્યો
- ફિલ્મ 'ગદર 2' 11 ઓગસ્ટે સિનેમાઘરોમાં રિલીઝ થશે.
Ameesha Patel Allegations: અનિલ શર્માએ 'ગદર' અને 'ગદર 2'નું ડાયરેક્શન ની સાથે પ્રોડક્શન પણ કર્યું છે, જેમાં સની દેઓલ સાથે અમીષા પટેલે મુખ્ય ભૂમિકા ભજવી હતી. પરંતુ અભિનેત્રીએ અનિલ શર્મા પર આરોપ લગાવીને હંગામો મચાવ્યો છે. અમીષા પટેલે 'ગદર 2'ના સેટ પર અનિલ શર્મા અને તેના પ્રોડક્શન હાઉસ પર ખરાબ પ્રબંધનનો આરોપ લગાવ્યો છે. થોડા અઠવાડિયા પહેલા, અમીષા પટેલે દાવો કર્યો હતો કે ચંદીગઢમાં 'ગદર 2' ના સેટનું સંચાલન નબળું હતું, તેણે સીધો અનિલ શર્માના પ્રોડક્શન હાઉસને જવાબદાર ઠેરવ્યો હતો.
અમીષા પટેલે એવો પણ દાવો કર્યો હતો કે, મેક-અપ આર્ટિસ્ટ અને તેના કોસ્ચ્યુમ ડિઝાઈનરોને પ્રોડક્શન હાઉસ દ્વારા તેમના કામ માટે લેણાં અને બાકી રકમ ચૂકવવામાં આવી નથી. અમીષાના આરોપોના જવાબમાં અનિલ શર્માએ મીડિયાને જણાવતા કહ્યું, 'મને ખબર નથી કે તેણીએ આવું કેમ કહ્યું. હું માત્ર એટલું જ કહેવા માંગુ છું કે આ બધુ જુઠ્ઠું છે, આમાંના કોઈપણ આરોપોમાં કોઈ સત્ય નથી.'
અનિલ શર્મા આગળ કહે છે, 'હું અમીષા પટેલનો આભાર માનવા માંગુ છું. તેણે મારા પ્રોડક્શન હાઉસને પ્રખ્યાત કર્યું. આનાથી વધુ મહત્ત્વનું શું હોઈ શકે? હું તેમનો નવા પ્રોડક્શન હાઉસને પ્રખ્યાત કરવા બદલ આભાર માનું છું.'
ઉલ્લેખનીય છે કે, ફિલ્મ 'ગદર 2'માં અમીષા પટેલ અને સની દેઓલ ઉપરાંત ડિરેક્ટરનો પુત્ર ઉત્કર્ષ શર્મા પણ મહત્વના રોલમાં છે. ઉત્કર્ષે 2001માં આવેલી ફિલ્મ ગદરમાં બાળકની ભૂમિકા ભજવી હતી. ફિલ્મ 'ગદર 2' 11 ઓગસ્ટે સિનેમાઘરોમાં રિલીઝ થશે.
