ATS માટે ગૃહ વિભાગે હાઈરિસ્ક એલાઉન્સને મંજૂરી આપી દીધી છે, અધિકારીઓ અને કર્મચારીઓને તેમના છઠ્ઠા પગાર પંચ મુજબ ગ્રેડ પે તેમજ પે બેન્ડ સહિત પગારના 45 ટકા એલાઉન્સ આપવાનું ઠરાવવામાં આવ્યું છે
રાજ્યના ગૃહ વિભાગે ATSના અધિકારીઓ અને કર્મચારીઓને ગુડ ન્યૂઝ આપ્યા છે. ATS માટે ગૃહ વિભાગે હાઈરિસ્ક એલાઉન્સને મંજૂરી આપી દીધી છે. અત્રે આપને જણાવી દઈએ કે, એટીએસના અધિકારી અને કર્મચારીઓને 45 ટકા હાઈરિસ્ક એલાઉન્સ અપાશે અને જે છઠ્ઠા પગારપંચના ગ્રેડ પે અને પે બેન્ડ સહિત પગારના 45 ટકા એલાઉન્સની મંજૂરી આપી છે.
45 ટકા એલાઉન્સ
ઠરાવમાં જણાવ્યું છે કે, ATSમાં ફરજ બજાવતા પોલીસ અધિકારીઓ અને કર્મચારીઓને કામનું પ્રેરક બળ મળતુ રહે તેમજ કોઈ પણ પડકારને પહોંચી વળવા મનોબળ ઉચુ લાવવા, પ્રોત્સાહીત કરવા અને તેમના કાર્યો અને ફરજો પૂરતા ખંત અને ઉત્સાહથી બજાવી શકે તેવા શુભ આશાયથી આવા પોલીસ અધિકારીઓ અને કર્મચારીઓને તેમના છઠ્ઠા પગાર પંચ મુજબ ગ્રેડ પે તેમજ પે બેન્ડ સહિત પગારના 45 ટકા એલાઉન્સ આપવાનું ઠરાવવામાં આવે છે.
જુઓ પરિપત્ર
શરતો પરિપૂર્ણ કરતા હોય તેમને જ મળશે
વધુમાં ઠરાવમાં જણાવ્યું છે કે, હાઈરીસ્ક એલાન્સ એન્ટી ટેરરીસ્ટ સ્કવોડમાં ફરજ બજાવવા માટે નિયત કરેલ શરતો પરિપૂર્ણ કરતા હોય તે અધિકારીઓ અને કર્મચારીઓને જ મળવાપાત્ર રહેશે તેવું જણાવેલ છે.
જે નાગરિકો અને રાજ્યના રક્ષણ માટે મોટામાં મોટું જોખમ લઈને પણ રાષ્ટ્ર વિરોધી પ્રવૃત્તિ સામે દિવસ - રાત જોયા વિના લડીને પોતાની ફરજનિષ્ઠા દાખવવા તૈયાર હોય છે, તેવા ATS ના પોલીસ અધિકારીઓ - કર્મચારીઓને છઠ્ઠા પગાર પંચ સહિતના પગારના ૪૫% જેટલું હાઈરિસ્ક એલાઉન્સ આપવામાં આવશે. ATS ના પોલીસ…
ATS શુ કાર્ય કરે છે ?
રાજ્યમાં આતંકવાદી પ્રવૃત્તિઓ ઉપર અંકુશ લાવવા માટે એન્ટી ટેરરીસ્ટ સ્કવોર્ડની વર્ષ 1992માં રચના કરવામાં આવેલી છે. જે રાજ્યમાં આતંકવાદ, રાષ્ટ્ર વિરોધી પ્રવૃત્તિઓ, બનાવટી નોટો, નોર્કોટીક્સ જેવી વિવિધ ગુનાહિત પ્રવૃત્તિઓ ઉપર તેમજ તેને સંલગ્ન ગુનાહીત પ્રવૃત્તિ ઉપર નિયંત્રણ રાખવાની કામગીરી કરે છે.
.JPG)
