G20 Summit / ભારતમાં G20 સમિટ : પુતિન બાદ હવે શી જિનપિંગ પણ નહીં આવે, જર્મન ચાન્સેલરે કહ્યું- તેમની ગેરહાજરીથી કોઈ ફરક નહીં પડે

• ભારતમાં યોજાનાર G20 બેઠકને લઈ એક મોટા સમાચાર
• ચીનના રાષ્ટ્રપતિ શી જિનપિંગ G20 બેઠકમાં ભાગ નહીં લે
• તેમની ગેરહાજરીથી કોઈ ફરક નહીં પડે: જર્મન ચાન્સેલર

ભારતમાં યોજાનાર G20 બેઠકને લઈ એક મોટા સમાચાર સામે આવ્યા છે. વાત જાણે એમ છે કે, આ બેઠકમાં રશિયાના રાષ્ટ્રપતિ વ્લાદિમીર પુતિન અને ચીનના રાષ્ટ્રપતિ શી જિનપિંગ ભાગ નહીં લે. વાત જાણે એમ છે કે, ચીનમાં સ્થિત એક ભારતીય રાજદ્વારી અને G20 દેશની સરકાર માટે કામ કરતા એક અધિકારીએ જણાવ્યું હતું કે, દિલ્હીમાં યોજાનારી G20 સમિટમાં શી જિનપિંગના સ્થાને ચીનના પ્રીમિયર લી કિઆંગ બેઇજિંગનું પ્રતિનિધિત્વ કરી શકે છે.

આખરે જિનપિંગની એવી કઈ મજબૂરી હતી કે તેઓ વિશ્વ સ્તરની આટલી મોટી કોન્ફરન્સમાં ભાગ ન લે? તેની પાછળ ભારત અને ચીન વચ્ચેનો સરહદી વિવાદ વધુ ઘેરાયેલો હોઈ શકે છે. જી-20 સમિટમાં જિનપિંગની ગેરહાજરી અંગે જર્મન ચાન્સેલરે બેફામપણે કહ્યું કે, તેનાથી કોઈ ફરક પડતો નથી, આ બેઠક બંને નેતાઓ (પુતિન અને જિનપિંગ)ની ગેરહાજરી કરતાં વધુ મહત્વની છે.

જર્મન ચાન્સેલર ઓલાફ સ્કોલ્ઝે શું કહ્યું ? 
શુક્રવારે મોડી રાત્રે એક જર્મન રેડિયો સ્ટેશન સાથેની મુલાકાતમાં જર્મન ચાન્સેલર ઓલાફ સ્કોલ્ઝે કહ્યું કે રશિયા અને ચીનની ગેરહાજરી છતાં ભારતમાં G20 સમિટ મહત્વપૂર્ણ છે. સ્કોલ્ઝે કહ્યું, G20 પાસે હજુ પણ મહત્વપૂર્ણ યોગદાન છે અને તેને પરિપૂર્ણ કરવા માટે એક મોટી જવાબદારી છે, ખાસ કરીને BRICS ના વધતા મહત્વને જોતાં- બ્રાઝિલ, રશિયા, ભારત, ચીન અને દક્ષિણ આફ્રિકાનો સમાવેશ કરતી વિશ્વની અર્થવ્યવસ્થાઓનો સમૂહ.

જર્મનીની સોશિયલ ડેમોક્રેટિક પાર્ટી (SPD) ના નેતા સ્કોલ્ઝે જણાવ્યું હતું કે, વસાહતી ઇતિહાસ ધરાવતા દેશોની ભૂતપૂર્વ વસાહતોમાં વિકાસને સક્ષમ કરવાની જવાબદારી છે. ચાન્સેલરે ભૂતપૂર્વ વસાહતોને તેમના કુદરતી સંસાધનોના શોષણ અને પ્રક્રિયામાં મદદ કરવાની ઓફર કરી હતી જેને તેઓ વાજબી ભાગીદારી કહે છે.