BIG BREAKING / 3 ધમાકેદાર બ્લાસ્ટથી હચમચી ઉઠ્યું અફઘાનિસ્તાનનું કાબુલ, 25 બાળકોનાં મોતની આશંકા, અનેક ઘાયલ

• ત્રણ ધમાકેદાર બ્લાસ્ટથી હલબલી ઉઠ્યું કાબુલ
• બ્લાસ્ટમાં 6 વિદ્યાર્થીઓના મોત તો અનેક ઘાયલ
• હજુ સુધી આ આ હુમલાની જવાબદારી કોઇએ નથી લીધ

અફઘાનિસ્તાનની રાજધાની કાબુલ એક વાર ફરી બોમ્બ બ્લાસ્ટથી હલબલી ઉઠી છે. સૂત્રો દ્વારા મળતી માહિતી અનુસાર, રાજધાની કાબુલ (Kabul) ના પશ્ચિમી ભાગમાં એક સ્કૂલ નજીક ત્રણ ધમાકેદાર બ્લાસ્ટ થયા છે.

Two blasts were reported in the west of Kabul this morning. The Ministry of Interior confirmed the blast near Abdul Raheem Shaheed High School, saying an investigation has started into the incident and details will be shared later: Afghanistan's TOLO News

— ANI (@ANI) April 19, 2022

પહેલો બ્લાસ્ટ મુમતાજ એજ્યુકેશનલ સેન્ટર નજીક થયો છે, તો બીજો બ્લાસ્ટ અબ્દુલ રહીમ શહીદ હાઇ સ્કૂલની સામે થયો છે. આ બ્લાસ્ટ દરમ્યાન વિદ્યાર્થીઓ સ્કૂલમાંથી બહાર નીકળી રહ્યાં હતાં. આ ઘટના દરમ્યાન ત્યાં હાજર શિક્ષકના જણાવ્યાં અનુસાર, આ બ્લાસ્ટમાં 25નાં મોત થયા છે અને ઘટના દરમ્યાન વિદ્યાર્થીઓ ઘરે જવા નીકળ્યા હતાં. જો કે, હજુ સુધી એ વાતની જાણકારી નથી મળી રહી કે આ હુમલાની જવાબદારી કોણે લીધી છે. સામાન્ય રીતે તો અફઘાનિસ્તાનમાં થનારા બ્લાસ્ટની જવાબદારી ઇસ્લામિક સ્ટેટ લેતું હોય છે.

તાલિબાનની અફઘાનિસ્તાનમાં વાપસી બાદથી જ ઇસ્લામિક સ્ટેટ એક્ટિવ થઇ ગયું છે. આતંકી સંગઠન મોટા ભાગે દેશની શિયા વસ્તીને ટાર્ગેટ કરી રહી છે. શિયા મુસ્લિમની મસ્જિદો પર હુમલો કરવામાં આવે છે. જો કે, તાલિબાનનું કહેવું છે કે, તેની સરકારે દેશમાં આતંકી હુમલાઓને રોકવા પર મજબૂતીથી કામ કર્યું છે. આ કારણોસર હવે દેશમાં આતંકી ઘટનાઓ ઓછી થઇ રહી છે. પરંતુ અફઘાનિસ્તાનના અલગ-અલગ ભાગોમાં ક્યાંક-ક્યાંક આતંકી હુમલા થતા રહે છે. અફઘાનિસ્તાનમાં 'ઇસ્લામિક સ્ટેટ ઓફ ખુરાસાન પ્રાવિંસ' ના નામથી એક્ટિવ છે. તે તાલિબાનને પણ ટાર્ગેટ કરી રહ્યું છે.

આ પહેલાં પણ થયા છે આતંકવાદી હુમલા

અગાઉ, એપ્રિલની શરૂઆતમાં, કાબુલની સૌથી મોટી મસ્જિદમાં બપોરની નમાઝ દરમિયાન ફેંકવામાં આવેલો ગ્રેનેડ વિસ્ફોટ થતાં ઓછામાં ઓછાં છ લોકો ઘાયલ થયા હતા. પોલીસના પ્રવક્તાએ આ અંગેની જાણકારી આપી હતી. આ હુમલો જૂના કાબુલ શહેરની મધ્યમાં આવેલી અઢારમી સદીની પુલ-એ-ખિશ્તી મસ્જિદ પર કરવામાં આવ્યો હતો. કાબુલ પોલીસના પ્રવક્તા ખાલિદ ઝરદાને જણાવ્યું હતું કે, તાલિબાને એક શંકાસ્પદને કસ્ટડીમાં પણ લીધો હતો. આ હુમલા પહેલાં 4 એપ્રિલે પણ આ જ વિસ્તારમાં બીજો ગ્રેનેડ હુમલો કરવામાં આવ્યો હતો. આ હુમલાની જવાબદારી કોઈએ લીધી ન હતી. માર્કેટમાં થયેલા ગ્રેનેડ હુમલામાં એક વ્યક્તિનું મોત પણ થયું હતું જ્યારે 59 લોકો ઘાયલ થયા હતાં.