આરોગ્ય ટિપ્સ / ઠંડીની સિઝનમાં અપનાવો ડૉક્ટરની આ 5 ટિપ્સ, શરીરમાં ક્યારેય બીમારી નહીં આવે

• તમે સૂર્યોદય પછી પણ કસરત કરવા જઈ શકો 
• ધુમ્રપાન અને દારૂનું સેવન દરેક વ્યક્તિ માટે રોગોનું મૂળ 
• વધુ પડતું વજન અનેક રોગો માટે જવાબદાર છે

શિયાળાની ઋતુમાં બીમાર થવાની સંભાવનાઓ વધી જાય છે. સામાન્ય શરદી, ઉધરસ, કફ અને તાવ જેવી સમસ્યાઓ તો રહે જ છે. શિયાળામાં તંદુરસ્ત વ્યક્તિનું મેટાબોલિઝમ પણ ધીમું થવા લાગે છે. જેના કારણે બ્લડ પ્રેશર અને બ્લડ શુગર બંનેનાં વધવાનું જોખમ રહે છે. શિયાળામાં લોકો બહાર જવાનું, વ્યાયામ અને કસરત કરવાનું છોડી દે છે. આ સાથે તળેલું અને નમકીન ખાવાનું પણ વધી જાય છે. જેથી મેટાબોલિઝમ ધીમું થઈ જાય છે. શિયાળાની ઋતુમાં ડાયાબિટીસનાં દર્દીઓએ તેમનાં સ્વાસ્થ્યનું વિશેષ ધ્યાન રાખવું જોઈએ. 

આહાર 
શિયાળાની ઋતુમાં ડાયાબિટીસના દર્દીઓએ તેમના આહારનું ખાસ ધ્યાન રાખવું જોઈએ. તળેલા ખોરાક, પેકેજ્ડ ખોરાક, મીઠાઈઓ, પ્રોસેસ્ડ ફૂડ વગેરેનું સેવન ન કરવું જોઈએ. લીલા શાકભાજી, તાજા ફળો અને એન્ટીઓક્સિડેન્ટથી ભરપૂર ફળોનું સેવન કરો. પૂરતા પ્રમાણમાં પાણી પીવો.

વાંચવા જેવું: બાળકોને શરીર બનાવવા કોઈ એકસ્ટ્રા પાવડરની નથી જરૂર: દૂધ-દહીં સહિત આ 5 ફૂડ આપો, મળશે કેલ્શિયમ

નિયમિત કસરત
શિયાળાનો અર્થ એ નથી કે કસરત ન કરવી. શિયાળામાં સ્વાસ્થ્યની તંદુરસ્તી માટે કસરત ખુબજ જરૂરી છે. જરૂરી નથી કે સવારે 5-6 વાગ્યે જ કસરત કરવામાં આવે. તમે સૂર્યોદય પછી પણ કસરત કરવા જઈ શકો છો. તમે 8-9 વાગ્યાની વચ્ચે પણ ચાલવા નીકળી શકો છો. 

ધુમ્રપાન
ધુમ્રપાન અને દારૂનું સેવન દરેક વ્યક્તિ માટે રોગોનું મૂળ છે. જે લોકોને ડાયાબિટીસ હોય તેમણે શિયાળામાં સિગારેટ અને આલ્કોહોલનું સેવન બિલકુલ ન કરવું જોઈએ. આનાથી શુગર લેવલ વધી શકે છે. 

ચિંતા ન કરો 
જો શુગર 150ની આસપાસ રહે તો તણાવને કારણે તે વધી શકે છે. ચિંતાને કારણે કોર્ટિસોલ હોર્મોન રિલિઝ થાય છે. જે શુગરને વધારે છે. તેથી તણાવ દૂર કરવા માટે યોગ અને ધ્યાનની મદદ લો. 

વજન ઘટાડવું
વધુ પડતું વજન અનેક રોગો માટે જવાબદાર છે. જો તમને ડાયાબિટીસ છે અને તમારું વજન વધી ગયું છે, તો કોઈપણ કિંમતે વજન ઓછું કરો. વજન ઘટાડવા માટે ખાનપાન પર નિયંત્રણ, સ્વસ્થ આહાર, નિયમિત કસરત, પૂરતી ઊંઘ જરૂરી છે.