- સૌર મિશનનાં લૉન્ચિંગ પહેલાં સૂર્ય પર નજર રાખવું જરૂરી
- પૃથ્વીની જેમ સૂર્ય પર પણ આવે છે ભૂકંપ
- ઈસરોનાં વૈજ્ઞાનિક આર.રમેશે આપી માહિતી
ભારતનું પ્રથમ સૌર મિશન આદિત્ય એલ1 લૉન્ચિંગ માટે તૈયાર છે. ઈસરોનાં પ્રમુખ એસ.સોમનાથે જણાવ્યું કે ટીમે 2 સપ્ટેમ્બરનાં લૉન્ચિગની તૈયારી અને રિહર્સલ પૂર્ણ કરી લીધેલ છે. જો કે એક વૈજ્ઞાનિકે કહ્યું કે મિશન પહેલાં સૌર ભૂકંપોનું અધ્યયન કરવા માટે 24 કલાક સૂર્ય પર નજર રાખવી જરૂરી છે.
24 કલાક સૂર્ય પર રાખવી પડશે નજર
પૃથ્વીની જેમ સૂર્ય પર પણ સતત ભૂકંપ આવતાં હોય છે. સૌર ભૂકંપોને કોરોનલ માસ ઈજેક્શન CME કહેવામાં આવે છે. ભારતના Aditya L1 સૌર મિશનથી પહેલાં ઈસરોનાં પ્રોફેસર અને પ્રભારી વૈજ્ઞાનિક ડૉ. આર.રમેશે કહ્યું છે કે સૌર ભૂકંપોનું અધ્યયન કરવા માટે 24 કલાકનાં આધારે સૂર્ય પર નજર રાખવી જરૂરી છે. કારણકે તે પૃથ્વીનાં ભૂ-ચુંબકીય ક્ષેત્રને બદલી શકે છે.
લાખો-કરોડો ટન સૌર સામગ્રી અંતરિક્ષમાં ફેંકાય છે
તેમણે જણાવ્યું કે સૌર ભૂકંપ દરમિયાન લાખો-કરોડો ટન સૌર સામગ્રી અંતરગ્રહીય અંતરિક્ષમાં ફેંકાઈ જતી હોય છે. તેમણે જણાવ્યું કે CME લગભગ 3000 કિમી પ્રતિ સેકન્ડની ગતિથી યાત્રા કરી શકે છે. તેમણે કહ્યું કે કોઈ CME પૃથ્વી તરફ પણ આગળ વધે છે જે લગભગ 15 કલાકમાં પૃથ્વી સુધી પહોંચી શકે છે.
સેટેલાઈટને નુક્સાન પહોંચાડે છે
વૈજ્ઞાનિકે કહ્યું કે CME ક્યારેક-ક્યારેક ઉપગ્રહો એટલે કે સેટેલાઈટને નુક્સાન પહોંચાડે છે. CME દ્વારા ડિસ્ચાર્જ કરવામાં આવેલા કણ પ્રવાહને કારણે ઉપગ્રહો પર હાજર કોઈપણ ઈલેક્ટ્રોનિક્સ ખરાબ થઈ જાય છે. તેમણે કહ્યું કે CME જ્યારે પૃથ્વી પર પહોંચે છે તો એ હાઈ વોલ્ટેજ ટ્રાંસફાર્મરને પ્રભાવિત કરે છે તેથી સૂર્ય પર સતત નજર રાખવા માટે ઓબ્ઝર્વેશન સેન્ટર ઊભું કરવું ખૂબ જ આવશ્યક છે અને તે ફક્ત L1 બિંદુથી જ શક્ય છે.
L1 પરથી સતત રાખવામાં આવશે નજર
ભારત પોતાની સેટેલાઈટને લેન્ગ્રેંજ 1 પોઈન્ટ પર સ્થાપિત કરવા માટે Aditya L1ને લૉન્ચ કરી રહ્યું છે. સંસ્થાનાં અધિકારીઓએ કહ્યું કે તેમને 24 કલાક સૂર્યની ગતિવિધિઓ પર નજર રાખવી પડશે જેથી સૂર્ય પર જે પણ પરિવર્તન આવી રહ્યાં છે તે સ્પષ્ટ રીતે જોઈ અને જાણી શકાય.
