બોલિવૂડ / આદિપુરુષમાં અજગર વચ્ચે સૂતાં રાવણને જોઈ લોકોએ કહ્યું, સાવ આવું હોતું હશે! 600 કરોડ ક્યાં નાંખ્યા, ટિકિટના પૈસા પાછા આપો

• આદિપુરુષ ફિલ્મ થઈ રહી છે સતત ટ્રોલ
• સૈફ અલી ખાનનો ફિલ્મનો એક વીડિયો પણ વાયરલ
• લોકો પૈસા પાછા આપવાની ઉઠાવી રહ્યાં છે માગ

પ્રભાસ, કૃતિ સેનન અને સૈફ અલી ખાનની ફિલ્મ આદિપુરુષ ગઈકાલે થિયેટર્સમાં રિલીઝ થઈ હતી. રિલીઝ થયા બાદ જ ફિલ્મનાં ખરાબ VFX અને કેટલાક ડાયલોગ્સને લીધે તે સતત ટ્રોલ થઈ રહી છે. આ વચ્ચે ફિલ્મમાં રાવણનો રોલ નિભાવી રહેલા સૈફ અલી ખાનનો એક વીડિયો સોશિયલ મીડિયા પર વાયરલ થઈ રહ્યો છે જેમાં અજગરો તેમનાં શરીર પર લપેટાયેલા દેખાઈ રહ્યાં છે. આ જોયા બાદ સોશિયલ મીડિયા યૂઝર્સ રામાયણ પર બનેલી આ ફિલ્મનાં ડાયરેક્ટર ઓમ રાઉતની સામે પણ નારાજગી વ્યક્ત કરી રહ્યાં છે.

સૈફનો વીડિયો થયો ટ્રોલ
આ વીડિયોમાં સૈફ અજગરની વચ્ચે સૂતેલા છે અને સૈફનાં શરીરની ઉપર અજગરો ફરતાં દેખાઈ રહ્યાં છે. સૈફનો પાઈથન મસાજ કરાવતો આ વીડિયો સોશિયલ મીડિયામાં ટ્રોલ થઈ રહ્યો છે. અત્રે ઉલ્લેખનીય છે કે આ તમામ ક્લિપ્સ પર ફિલ્મનાં ઓનર દ્વારા Copyright લગાવી તમામ યૂઝર્સનાં પેજ પરથી વીડિયો હાઈડ કરાવી દેવામાં આવ્યો છે.

ફેંસે પૈસા પાછા માંગ્યા
આ ફિલ્મ જોયા બાદ સોશિયલ મીડિયા પર રિએક્શનસ્ સતત વધી રહ્યાં છે. આ વીડિયોને શેર કરતાં એક યૂઝરે લખ્યું કે ,' ચલો આ મસાજ જોઈલો, અજગર માલિશ સ્પોન્સર્ડ બાય ઓમ રાઉત' સોશિયલ મીડિયા પર પબ્લિક સતત મિમ્સ બનાવી રહી છે.

650 કરોડનાં બજેટમાં બની છે ફિલ્મ
ઓમ રાઉત દ્વારા ડાયરેક્ટ થયેલી આ ફિલ્મનું ટોટલ બજેટ આશરે 650 કરોડ રૂપિયા છે. ફિલ્મ લગભગ 6500 સ્ક્રીન પર રિલીઝ થઈ ગઈ છે. આદિપુરુષ ફિલ્મે પહેલા જ દિવસે થિયેટરમાં ધૂમ મચાવી દીધી હતી પરંતુ લોકોનાં ખરાબ રિવ્યૂઝ આવ્યાં બાદ આ ફિલ્મ ખાસ કમાણી નથી કરી રહી.